منتديات أبو الفضل العباس عليه السلام - لسان حال _

بسم الله الرحمن الرحيم

السلام عليكم ورحمة الله وبركاته

لسان حال __ فاطمه العليله ع

لوين بهل الضعن ماشين منواكم
عليله وما اضن اگدر ابليكم
------------------------

عليله ولومشيتو ا من يضل يمي
وحشه الدار احير ابدمعتي وهمي
يبويه اوياك تمشي لو تضل امي
وهم كل اخوتي يرحون وياكم
-----------------------------
اخذوني يبويه اوياكم اخذوني
عليله والدمع لو والف اعيوني
اعيش اشلون بويه شلون تردوني
وكلبي ما بعد بيه حيل فركاكم
==---------------------
وحدي بالحزن بالدار واتنطر
وعيني للدرب يحسين تتفكر
اجيب الصبر كلي امنين واتصبر
ولا بيه ادور حتى الكاكم
-------------------
الكاكم صدك يولا بعد هيهات
وليه ما بعد يرجع زمان الفات
روحي امنين تحمل ها كثر شوغات
لو من شوفكم تحرمني دنياكم
----------------
عمري لابعد بويه عشت يومه
ولا بعدك اضل ابداري مهضومه
مالومه الدمع يحسين مالومه
وحقي لورحت يابويه انعاكم
------------------------
وين بهل السفر والسفر هذا ابعيد
والامي عليه لو رحلتوا اتزيد
ماريد العمر من دونكم ماريد
اسمعه الكربله هالصوت ناداكم
--------------------
ناداكم الصوت الكربله تمشون
شصبر من اودعك والوداع ايهون
اذكروني عليله بويه لا تنسون
وانه لاتضن يابويه انساكم
---------------------------

الاهي بحق عليلة الحسين عليهم السلام
شافي مرضانا وارحمنا وتب علينا
واجعل لنا من امرنا فرجا ومخرجا
يالله يالله يالله

اذكرونا بالدعا ء
سيد عدنان الحمامي