اشلون تصيدين لج معرس !!!!!!!!!
 

اشلون تصيدين لج معرس !!!!!!!!! =:915:الموضوع لتسلية يابنات مش شي غير
كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ

=أهم شي تعالي على العجوز الي تدور لولدها عروس ثم نفذي مايلي:

1_خلج مع امج ولاتروحين مع البنات صبري عنهم جم شهر لين تتم العملية.

2_امشي وانتي حاطه راسج بين كتوفج ولا ترفعينه ابد حتى لو عورج خلي الفكس دايما في متناول ايدج.

3_كلمه خاله خليها دايما على لسانج خاصة لام المعرس عشان تحس بنوع من التميز عن باقي العجايز.

#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اختج.
4_اذا بدت امج تتكلم انغزيها بكوعج عشان تدخلج فالسالفة حتى لو مالج داعي تطبيقا للمثل <كثر الدق يفج اللحام؛؛؛؛ المثل ماله داعي بس مالقيت غيره.

5_اخوانج الصغار لاحقيهم وطامري معهم وين مايروحون حتى لو ماهي عادتج بس تصرفي معهم كأنج امهم عشان العجوز تاخذ فكره انج حريصة على ذريتك .

6_كل ما اكلت امج من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.

7_اذا جيتي بتمدين ايدج توجعي وخلي امك تقول:قايلتلك وانا امج ماله داعي تنظفين جدران البيت الخارجية {اقول نظفي غرفتج اول الي تقولين ثايره فيها قنبلة ذرية}.

8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسج وايد اخاف تروحين فيها واصير قتلت نفس بغير حق}.

9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.

11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح
قوليلها:وليش ماعلمتينا ياخاله نجي نساعدكم؟!

12_في العروس اضغطي على نفسج واقضبي ارضج ولاترقصين واعتبري الرقص عيب وشق جيب

13_اذا يه طاري السوق وهو لازم اييي الطاري لانه ملح الجلسه عند الحريم خلي امج تقول:بناتي مايحبون يطلعون السوق ابوهم ايييب اغراضهم.

=الحين العجوز بتكون وقعت فالفخ.



نروح للمعرس الحين:
http://farm4.static.flickr.com/3033/...ed324acf_m.jpg

1_قعدي في بيت اهلج ولا تطلعين واذا جا المعرس بيشوفج خلي ابوج يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك إن تحط مكانها باسكال مشعلاني}

2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ تنظيف بشره..إلخ.

3_اذا يه المعرس خلي اخوج يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.

4_في نهاية المشهد خلي ابوج يقول:معليش وانا عمك ترى البنت شوي محيوسه{معليه يالشايب تنصب عالمسكين}..

وبهاللحظه الولد بينط على راس أبوج ويبوسه لين يشفط مخه ويقول متى العرس ياعم؟

{تحذير مهم}
#ابتعدي عن امهات العيال المتعلمات راعيات الجنطه نفس لون الجوتي هذولا يبيلهم خطط بعيدة المدى.
http://farm4.static.flickr.com/3211/...bd1240d1_m.jpgملطوش من ايميلي لعيونكم ها وش رايكم يابنات منتدانا الغالي

ههههههههههههه
الصراحة صحكتيني مشكورة حبيبتي

ههههههههههههههههه

ضحكتيني يوم قالت بوش متقهوي عندنا

بس شدعوه لهدرجه البنات مالهم نصيب

اعتذر ع الرد

ثنكيو

(( ان كيدكن عظيم ))

والله حركات ههههههههه

بس اقول ترى انا مع سبع القنطرة

كل بنت ولها نصيبها . قاعد اتذكر جيرانا واهلنا يعني بصراحه يمكن مافيه اصلا بنت وحده في سن الزواج ومو متزوجة
ما ادري بس ما اتوقع هناك بنات ان صح التعبير عوانس ( ما يشكلون ظاهره) في مجتمعنا الاحسائي مثلا
الباقي ما ادري
المو ضوع حلو حيل
تحياتي

الاخت المواليه والمهذبه والمتعلمه من اخلاق ودين أهل البيت ( فاكهه .......)

موضوعج حلو لكن هل تشوفين صح انك واضعه صوره وحده مو محتشمه وصوره لها وهي

مستلقيه الاخت ترى هالشي ميجوز بمنتدى عامر وولائي مو المفترض انه ينوضع


ترا اتشيلين اثم كل رجال وشاب يدخل ويشوف منظر هالبنت وتقع عينه على جسدها

ان اهي ما تستحي وما عندها لادين ولا اخلاق وحاطه صورتها للفرجه للكل فما يجب

ان انتي تشاركينها وتسووين من صورت هالمنحطه المعدومه الاخلاق موضوع ؟؟؟؟؟


الأمر بالمعروف والنهي عن المنكر واجب كل شيعي ومتدين يحمل دين وعلى دين اهل البيت

تحلوو بأخلاق مولاتنا فاطمه الزهراء عليها السلام


واخر دعوانا الحمد لله رب العالمين باري الخلايق اجمعين والله يهدي الجميع للصلاح والارشاد

سعودي شرقاوي الموضوع لتسلية مش للجد يعني كل شخص يعبر عن راية وفي الاخير كل شي قسمة ونصيب
اشكر مرورك

الاخت الكريمه والغاليه والحبيبه فاكهه الحنه رزقك الله من خيراته ونعمه وعاشت ايديك للمواضيع الاكثر من
حلوه تملأها روح المرح