منتديات أبو الفضل العباس عليه السلام

يعني ويش أتكنسلت كل المشــاريع
•يعني جيفه انعيش تالي في قـرانه

يعني مانشتري في الأسهم ولانبيع
•عجل برجين التجاره بستره خانه ؟!

باقي "دزني لند"في كرانه توقيـع
•والجهال إشلون تعلب زانه زانه؟

يعني بحر المالجيه هيبته أضيــــع
•وأخسر الشاليه كلش مانه مانه

ولمْصلى فيوز بس يوقف التوسيع
•وبني جمره مول يتغير مكانــــه

والتزلج في السنابس ثلجه أيميع
•يعني نرجع لزمان الزلحــــــانه

يعني سلماباد كلها تصير تشليع
•وجامعات الدير نقلبها حـضانه

لو في كرزكان بتجف الينـابيــــع
•وين تالي يصير بالويكيند لقـانه

وفي ابو صيبع يصير الحال تجويـــع
•ونشرب الكوفي بعدها في استكانه

ومنتجع لعكر تجاري وكله تجميـــع
•وجنة نويدرات تقلبها لجّــــــانه

أمّا لدراز المصيبه فيهــــا تركيع
•جنة الفردوس تصبح تــــربغانه

ماذكرت انعيم بس كلها مواجيع
•هدمـوا الدوار كل حبنا وهـوانه

المهم كل القرى وكل المشاريع
•واقف القانون ليها بخيـــرزانه

با الصراحه الخبر هذا جور وترويع
•والله مــاتسوى علينــا هالخيـانه

(بحــراني مســــتحمق)