منتديات أبو الفضل العباس عليه السلام - يرضه ربك لو نخلي بالأذان... حيّ عالعباس.... للعباس(ع)

للعباس(ع)
ﭼـان نص الجيش غاد إعله الفرات
شلون ﭼـان الحـــــــال مانتصوره
ياشجاع ايشوف كل ذيـﭻ الجموع
شي أكيد إيخاف يرجـــــع لي وره
وابو فاضل سوه كــــــــل المايصير
لأن ﭼلمة خوف ماكـــــــو إبدفتره
إبنصل سيفه إنكتب موت إليعتنيه
وعلــــى درب الموت لزمهم سره
مشكلة عباس ﭼـان إبوحده جيش
ولهذا حسين كلّش أخّــــــــــــــره
شنو خيّاله وشنو قاده ورجــــــال
وشنو ذاك الجيش ناصب سيطره
مو إباله وذني مامرّن عليـــــــه
عطش طفل حسين ظل إبخاطره
علي إمعلمه من زغر ضرب السيوف
والمربيته أصيله وطاهــــــــــــــره
إحـﭼـي للعباس مارايد تـﮕــــــــول
هو مثله إبشكله جابت يامــــــــره
ومن أﮔلك مثله مايوجد مثيــــــــل
لأن ذيـﭻ الـﮕوم منه إمذيــــــــــره
ومن أﮔلك هو ينعد إبألــــــــــــوف
اشلون ماﮔلبه أشوفه حيـــــــــدره
وآنه أﮔلك فاطمه لو بالطفـــــــوف
ﮔبل أمه ﭼـان مدمعها جــــــــــــره
ومن أﮔلك هو كتله إمــــــن الوفاء
لأن بين الماي والشفه اشعـــــــره
ﭼـان يـﮕدر يشرب ومحّـــد يشوف
أبت نفسه الماي من إيــــده اشمره
ولأن ملبوسه الشجاعـــــه والوفاء
هي لاﮔتله وعليـــــــــــــه إمـﮕدره
يستحي العباس مـــــــــــارد للخيام
لإن مي إبجربته ماكـــــــــــــو دره
اشلون يرجع هو واعـــدها النساء
مو شرط يحـﭼله بــــــوجوهن قره
زحمه أبو فاضل يــــرد ابلايه جود
اشلون يرجع خالي جــود إلعسكره
ولذلك مـــــــارضه إيشيله الحسين
سيدي خجلان مــــــــن عندك تره
يرضه ربك لو نخلـــــــــي بالأذان
حي عالعباس سبـــــــع الـﮕنطره
ولأن مشكلتك يحلها بـــــالضريح
بس تهز شباﭼـه تلـﮕـه الدسكره
خوته للدين مو خــــــــــوة نسب
ولذلك خوته بالــــــــــــــدم شره
ولذلك بقه خالد بالزمـــــــــــــان
اعيونه ﭼفينه بقن بالذاكــــــــره
هي لو هاي الأخوه لو بـــــلاش
لأن خوته صدﮒ ماهي إمزوره
بقلمي// تحياتي// أبو فدك الكَيم.