منتديات أبو الفضل العباس عليه السلام

قصيدة ... عهدنه وياك

قصيدة/ عهدنه وياك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عهدنه وياك يالمهدي عهد بالدم تِوارثناه
امام النور والايمان دنيا وكون تتمناه
.....................
هجر وارهاب فكره يريد هالباغي يصوّرهه
حفيد الشر وبن مرّه تراه يريد ينشرهه
عمُر نفدي ولانقبل بهالفكره وندمرّهه
يربّ العزه ياربّ الفرج عجّل عليه ردناه
.....................
الم والآه شعوب تئِن تريد يهل امل ملگاه
امام الخير والرحمه سِمه والارض تتلگاه
ابن طه وبن حيدر صبرنه مُر على فرگاه
نجدّد هالعهد كلما نصلّي بلهفه ناديناه
......................
زمن اظلم مضه وْعَدّه فِنَه ولا رد ابن هنده
خسه الظالم على شعبه قساوه ودم نقض عهده
بعض حكّام تتعدّه على المظلوم وترده
حلاله يريدك اتردّه يبو صالح تگر عيناه
......................
امان يصير من يظهر ظلم والجور ما يبقه
وعد ربنه ونبي الامه زمانه الدنيا بي ترقه
بعد مظلوم ما يشكي ويرجّعله برضاه حقّه
عزيمتنه من ابو اليمّه نداء اليوم رددناه
......................
زحف تزحف تجيكم هالملايين بعزم نورك
تنادي بصوت عالي وياك مانخلف ابد عهدك
قسم بالانزل الفرقان والمختار يا جدّك
خدم زوّار گبر حسين للموعود عاهدناه
......................
تعال وشوف هالامه تريد العز هلا بيكم
خسر كلمن بغض حقكم عدو النه اليعاديكم
عقيدتنه ومبادئنه يقين احنه نواليكم
نصيح بصوت بالتفجير للمنصور بايعناه