منتديات أبو الفضل العباس عليه السلام - لسان حال زينب باستشهاد امها

اللهم صل على محمد وال محمد ووفقنا لخدمتهم

قصيدتي عن لسان حال زينب مــــن

بحر الوافر{نصاري}

شحجي اوياج يايمه وشسولف **** وبس نوح وهضم هالبين خـلاج

مثلج ماشفت طيبه وحنينه **** سبحانه الذي يايمـــه ســـــــــــــواج

يم كلب الجبير وزهرة الكون **** شحلاتج بالمحنه يمـــه محــــــلاج

كمر جنتي يضويلي الليالي **** وماشوف الضوه يايمــــــه لــــولاج

بوجودج هالنفس ترتاح واتهيد **** ومثل جدي النبي يحبيبه ملكـاج

يمج لو كعدنه اهموم تنزاح **** وصدرنه ينشرح لو سمع طـــرواج

بعده امصاب جدي لسه ماطاب **** واشوفنه بحزن كــــام ايتلكــــاج

صدك رحتي ييمه اودعيتــــي **** وبكت تسعـــــرسريــه نار ذكراج

طفله وماتت امهه تروح لاوين **** غريبه اتصير زينب بعــد عيناج

انا بلياج حال الضيم حالــــــــي **** العمر شيفيد ياروحي بليـــــــاج

بعدنه اصغار عفتينه ومشيتي **** يهد حيلي ييمه امصــاب ممشـاج

لو يرهم بديل انــــــبدل الروح *** الحسن وحسين واني بروح نفـداج

عمرج بعده للعـــشرين ما صار **** وبأحزان وقهر خلصتي دنيــــاج

وعمرج هالكـــصير امشبع الام **** عساه ينشل اريدنه اللي عـــاداج

مانكدر ييمه بغــــــيرج انعيش ***** تدرينه صعب يحنينــــه فركـــاج

انفجعنه بهالمصاب وشهكت الروح *** احضنينه بحـزن احنه انترجاج

بعدج مـــــــــا ألي رغبه بحياتي **** اتمنــــــه اروحن يمه ويــــــــاج

عود انه اســالج جيت هالحيـــن **** وسفه امدده ومكسـوره الكـــــاج

جيت اسال ييمه عاللي عذبــــوج **** وياهو اللي سـطر وجـهج واذاج

ويامجرم حرك هالباب بالنـــــــار **** ومنهو اللي كسر ضلعج وارداج

ورداج

جنت اغفـــــه عله تسبيــــــح ورداج

ذبـــل وســــــــفه يبعد الروح ورداج

ايديه انشـــــــــــــــلت الاذاج وارداج

وخصمه بالحشر سيد البريــــــــــــــه

ــــــــــــــــــــــــــــــــــــــــــــــــــ ـــــــــ

ولمهـــــــــــــــه

روحي ملوعــــــــــــــه يمه ولمهــــــه

من كســر الضلع همهـــه ولمهــــــــــه

لو اجمـــــــع انا الدنيــــــه ولمهـــــــه

وين الكــــــه مثل امـــــــي الزجيـــــه

ــــــــــــــــــــــــــــــــــــــــــــــــــ ــــــــــــ

وجنــــــي

مصابــــــج نار وسط الـــــــــــروح وجني

وكمت احصد هضم وهمــــــــــــوم وجنـي

احترك من الدمـــــــــــع يايمــــــــه وجني

وظل نـــــــوح وحـــــــزن للهاشميـــــــــه

ــــــــــــــــــــــــــــــــــــــــــــــــــ ــــــــــــــ

بس مـــر

ما شفتي بحيـــــــــــــــاتج يمه بس مـــر

ونوحـــــج والقهــــر بالكلب بســــــــــمر

ضلعج كسره يحبيبــــــــه ســـــــــــــمار

خلف الباب عصروج ال اميــــــــــــــــــه