|
الى كل ام حنونه
الى كل ام حنونة تحياتي للام الصابره
يمة البيت عكبج يبجي عالبيت وسود وداعتج شفت الحياطين وعتبة بيتنة زعلت على الباب وعلينة أتسودنت ما ترضة ترحين وشفت دمع البلابل والعصافير طاح إعلة المكان البي تكعدين وشفت لطخة حزن بخدود الورود وصبح بستانة يبجي البساتين فراكج مو سهل يذبحني كل يوم كل يوم بسنة لاوالله عشرين ييمة بفركتج نص عمري مأخوذ ولاجن وفركتج يايمة يومين ماأدري شيظل لوطال الفراكَ على هذا الوضع ينراد عمرين شكظ من الدمع ودموعي شلال وعليج تسودنت ماتسكت العين جلمة يمة منج بلسم جروح وجلمة بعد بيتي أتداوي جرحين ا موجودة يمة نصير عقال ونصير بغيبتج مثل المجانين على وجهج لكينة الحزن مرسوم وكبالة الفرح ذابحتة السنين تروح بروحتج ما تبقى أرواح جسد واكَف جذب بس أحنة ميتين تحت جدمج جنان وتجري انهار مثلج ماكو مثلج أقسم أثنين أغفة بحضن صبرج وآني شبعان وأحس جوعانة كلش من تنامين أمي الجنة أنتي منزلة بيت وتنام بظلج أبيوت الجوارين سكوتج أدري يمة يحير الليل مثل صفنة البحر لمن تصفنين وأذا تحجين بلبل يعزف ألحان ومن حلكج يظل يطافر التين خيط السبحة أنتي أخذينة وياج نطشر خرز لمن تروحين اختكم مكفولة العباس |
رد: الى كل ام حنونه
احسنتم بارك الله فيكم
|
رد: الى كل ام حنونه
يالله صار شهرين ماشايفة امي بجيتيني على هاذي الابيات الجميلة
(اختي الغالية مكفولة العباس ) ياربي كون تحفضلي امي وجميع الامهات امين ياربي وشكرا اختي تحياتي وحترامي لكم |
رد: الى كل ام حنونه
الله يحفظ كل امهاتنا يارب ويشافي امي من كل مرض يا رب
كل الشكر لكـِ ولهذا المرور الجميل |
رد: الى كل ام حنونه
شكرا على هذه الابيات الرائعة ربي يحفظ كل امهات المسلمين بحق محمد وال محمد
|
| جميع الأوقات بتوقيت GMT +3. الساعة الآن 05:26 PM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام