|
محتاجك...........
محتاجك حلم مرسوم عالنجمات وخيوطة بذهب عالكمر مكتوبة ومحتاجك خلك وسع الارض يفلان واشرحلة الخواطر ليش متعوبة ومحتاجك فرح بكلوب الحديثات لو كعدن سوى بنيشان مخطوبة ومحتاجك جدم ماتوجعة الصدمات ومن تثكل بلوتة يعاند دروبة ومحتاجك عمر مايمر بيه الموت مو عمري الكضى وساعاتة محسوبة ومحتاجك دمع يبجي اعلى روحي وياي من يصفن دليلي ويذكر ذنوبة ومحتاجك صبر بس موش الصبر جندوب لان كبلك لبستة وماستر ثوبة ومحتاجك حضن روحي تتلفلف بيك لوفزت غفل بالليل مرعوبة ياهو اليفك حزني وانا بلياك دنيا من القهر وبيوت مكلوبة يااول جرح محتار كلبي وياه وايدي شما تغلبة ترد مغلوبة علمني الهجر بلكت اصد ونساك وحلف ما اجيك ومنك التوبة محتاجك صدك موبس حجي يفلان موكلمة وحروف بورق مكتوبة منقول اريدنك صدك يفلان لان انت للكلب اول ذنوبه وماريدن بعد لجمات بعد حبك مامش بعد توبه رسمت احروف اسمك على الجدران ونقاطك بضلوعي هن مصيوبه ياساعة صدك بيه اتعناك وخل يصير جمر ووحوش دربك وليالليهه مرعوبه شيريد الذيب من الشات غير الفرس ويذب باقي الزاد بدروبه لا تصير الذيب وانه الشات لان خطيتي كلهه عليك محسوبه تحياتي عبد عباس |
رد: محتاجك...........
حسنتم اخي الطيب على الابيات الجميلة
تحياتي معطرة بعطر الياسمين مني لك اخي الغالي |
رد: محتاجك...........
ممنون اختي الغاليه على العطر
بس خاف يطلع تعباه مو اصلي هههههههه نورتينه |
رد: محتاجك...........
السلام عليكم
عاشت الايادي على الاختيار الرائع يا اخي الرائع |
رد: محتاجك...........
سيد مرتضى
ممنون على هذا المرور الطيب والجميل لقد نورت صفحتنا البسيطه تحياتي |
رد: محتاجك...........
http://up99.com/upfiles/gif_files/O2O43025.gifشكرااا ع الكلمات الاكثر من روعة
تقبل مروري |
رد: محتاجك...........
عاشقة علي الكرار (ع)
ممنون لمروركم الطيب تحياتي |
رد: محتاجك...........
لااصلي اني ماهدي عطر مغشوش لخوي الغالي
تحياتي لكم اخي الطيب شنو هل الايام ماكو نور المنتدى لو خلاص راحت ويا النكت اني تعودت اسمعهة منك ياغالي |
رد: محتاجك...........
حبيت ارجع التعليق من خلال المشارك هذا واحد
اثنين اشكرج على هذه المشاعرة الطيبه لقد افرحتيني كثيرا واحسست بطعم الاخوه الصادقه وانا ممنون لكي ثالث انا اسف واعتذر لالانني نسيت ان اكتب نور المنتدى راح اجويهه اروح جي نستهه وكلما تلنجم تذكر اختهه تحياتي وودي واحترامي يا اعز اخت عندي حقا وحقيقتا يانور المنتدى يااحله نور للمنتدى يا ارق نور للمنتدى يا احن نور للمنتدى ياضياء نور المنتدى ولو اكتب اخلص الصفحه وما تخلص نور المنتدى اعذريني نورتينه |
رد: محتاجك...........
كلمة أبداع قليلة بحقك ماشاء الله دائما تجذبنا بقلمك المميز والمبدع فدمت بهذا التميز والابداع لك خالص التقدير واطيب التحيات الله يحفظك ويسعدك ودي لك |
| جميع الأوقات بتوقيت GMT +3. الساعة الآن 09:27 PM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام