منتديات أبو الفضل العباس عليه السلام - على صفحات عمري كتبت حسين

علي صفحات عمري كتبت حسين
وعشت أوياه ابكل حلوه وعصيبه
اذاهل اربعينه تدرف العين
وتجري سيل دمعاتي السكيبه

عجب كيف الدهر يغدر بالحسين
وعلى الغبره ثلاث أيام ايسيبه
ويضل ثقل الاله معفرالخدين
ولاواحد يشد جروحه ويطيبه

وين أهل المروه اليحملوا الدين
وينه المصطفى ماجى لحبيبه
وينه المرتضى فارس بدروحنين
اللي بكل معضلة احناننتخي به

ليش حسن ماحصل غسل وتكفين
أضن هذي اهي اعظم ضريبه
حتى تقصده الشيعه ابكل حين
وتصير ازيارته سلوة الشيعه

وهذي اربعينه شاهده املايين
اجت مشايه تريد اتجدد البيعه
ابد ماهي عجيبه من الموالين
يقدموا الروح بنفوس مطيعه

من ذاك الزمان صاروا قرابين
ليزورحسين بلكت عمره ايبيعه
عطينا ارواحنا وجينا املبين
حسين الهدف وأراحنا انبيعه

شعلينه من النواصب والملحدين
عصرحسين هذا وذا ربيعه
خل الما فهم يفتهم زين
حسين أشلائنا وحنا الشريعه

طول العمرراح نبقى مضحين
لهداف حسين وأبدا ما نبيعه
بنلطم عل الصدورونخمش الخدين
وبنطبروبنواسي مولاتي الوديعه

أدري ماهوواجب التطبيرولادين
بس جنني الحسين وعمري ابيعه
مثل عابس غدى لحسين ملايين
تعطي ادماها بس تروى الشريعه

ماشفنا أحد مات من لمطبرين
العكس شاهدنا وهذالازم انذيعه
كل قطره دمى تنزف لجل حسين
يضل فيها الشفاء احصون منيعه

هذاحسين يعني كل مدار الدين
اشمانعطي يتم تقصير ياشيعه
حسين اعطي الرضيع وقدم الكفين
وسهم العين هوا أعظم فجيعه

اريد تخبروني منه مثل حسين
انذبح ضامي على صدره رضيعه

وياهوبالنعل داسه الشمرمرتين
وصاريتفنن الباغي ابتقطيعه
وبعده حرقواخيامه الملاعين
وفرت صارخه ابدهشه الو ديعه

أجركم الله ياشيعة الحسين نسألكم الدعاء