|
ايكولون باجر شمس! الشاعر حسين الساعدي
http://www.mriraq.com/vb/images/icons/rafi3.gifايكَولون!!!! ايكَولون باجر شمس تطلع على الديره ويمر قطار العرس ياخذ نواطيره ونتعلم البسمات ونودع الدمعات ويروح ضيم الأمس هوَ وتصاويره ايكَولون باجر شمس تطلع على الديره ----- وين الله ننسه القهر ياواحة الامال من بعد ذاك الصبر تتعدل الاحوال! ياليل جيب الصدى من يصدح الموال وَصلَه ومضة أمل للعايش ابحيره ايكَولون باجر شمس تطلع على الديره ----- ماله مضيف الكرم شو دمعته ابعينه ابلا كَهوة بس الدمع تارس فناجينه! يازمن وك يازمن للماضي رد بينه الريحة اَهلنه وطن طار ابجنح طيره ايكَولون باجر شمس تطلع على الديره ----- واقع وَكِتنه وَكِح عالمنه مو عالم المظلوم من انذبح صَفكَوا للظالم والفوز للما نجح! والدمعة للفاهم! والضحكة طلعت جذب وانغشت الليره ايكَولون باجر شمس تطلع على الديره ----- ايكَولون باجر شمس تطلع على الديره ويمر قطار العرس ياخذ نواطيره بقلم http://www.mriraq.com/vb/images/icons/rafi3.gif حسين الساعدي |
رد: ايكولون باجر شمس! الشاعر حسين الساعدي
شَاعرٌ مُبدع
وأحرفنآ لهُ خجلى وعـاجزة ! دمت بود .. |
رد: ايكولون باجر شمس! الشاعر حسين الساعدي
اقتباس:
وشكرا لمروركم الرائع مع اجمل تحية |
رد: ايكولون باجر شمس! الشاعر حسين الساعدي
اللهم صل على محمد وآل محمد
حسجة رائعة .لا غاب عنا هذا القلم وسلمت يدك المباركة..تقبل مروري |
| جميع الأوقات بتوقيت GMT +3. الساعة الآن 02:26 AM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام