منتديات أبو الفضل العباس عليه السلام

بسم الله الرحمن الرحيم
اللهم صل على محمد وآل محمد وعجل فرجهم
هذه قصيده منبريه للرواديد في استشهاد مولانا
ابي الحسنيين عليه السلام

[frame="1 80"]
مقيــــــاس الشــــــرف
ــــــــــــــــــــــــــــــــــــــــــــــــــ ـــــــــــــــــ
من أزورك ياعلي --- كل همومي تنجلي
رافضي أيصيحون هذا وأنحرف --- بس رفضنه صار مقياس الشرف
،،،،،،،،،،،،،،،،،،،،،،،،،،،،،،،،
رافضي ايصيحون من اكصد ازور == حيدره الكرار وبقبره ادور
مادروا تملي القلب حب أو سرور == حضرة الكرار بالظلمه تنور
نور من عدها يشع --- للسماء أو يرتفع
خل يذموني أو يكولون انجرف --- بس رفضنه صار مقياس الشرف
،،،،،،،،،،،،،،،،،،،،
هذا حيدر للنبي صار الوزير == بس اله أتلوك الوزاره هالأمير
من علومه الناس تاخذ ما تحير == من ضريحه أيفوح عنبر والعبير
واليزوره يهتدي --- نور منه يرتدي
واليكرهه أيعيش ظلمه ابلا هدف --- بس رفضنه صار مقياس الشرف
،،،،،،،،،،،،،،،،،،،،،
نزلت الآيات تذكر حيدره == والكرم والجود حيدر مصدره
والأبه والزود منه أو بي جره == والعدل والخير من عنده سره
باب احمد بالعلم --- كل حقوقه تنهضم
والبحر أبدا فلا يوم النشف --- بس رفضنه صار مقياس الشرف
،،،،،،،،،،،،،،،،،،،،،،،،،
طلق الدنيه علي أو عاف الحياة == آخره أيريد أو مشه درب النجاة
صار نار أو حارقه الكل البغاة == للشهاده أيريد ينبوع الصلات
ينتظرها المرتضه --- نالها أو بيها حظه
والكره حيدر ولينه ما نظف --- بس رفضنه صار مقياس الشرف
،،،،،،،،،،،،،،،،،،،،،،،
ليله من رمضان هلت بالمصاب == تنذر الكرار وبقرب الغياب
تنعق الوزات وأيرد الجواب == للشهاده أيسير حيدر ما يهاب
للشهاده يستعد --- عن طريقه ما يرد
ينتظر ضربة أبن ملجم وكف --- بس رفضنه صار مقياس الشرف
،،،،،،،،،،،،،،،،،،،،،،
من نزل حيدر علي أيريد السجود == طاع أبن ملجم أمر عاد أو ثمود
وأرتفع سيفه أو نزل هز الوجود == صوت من حيدر صدح نلت الخلود
بالشهاده أعتلي --- والهدايه منهلي
واني حيدر قلبي أبدا ما رجف --- بس رفضكم صار مقياس الشرف
،،،،،،،،،،،،،،،،،،،،،،،،
والحسن محتار وأيشد الجبين == والحسين أينوح وبحسره أو أنين
جابوا الكرار للبيت الطعين == والعقيله شاهدت دم الحنين
جاري صابغ شيبته --- ياعلينه ندبته
ياحبيبي أشلون صابك ما رأف --- بس رفضنه صار مقياس الشرف
،،،،،،،،،،،،،،،،،،،،،
ليله من رمضان صارت للوداع == مظلمه أو بس من علي طالع شعاع
كلهم أيودعون حيدرنه الشجاع == للمنيه سلم أو هد الشراع
ما مضه الحامي أرتفع --- صوت بالكون أنسمع
والحقيقه تنسمع بأرض النجف --- بس رفضنه صار مقياس الشرف
ــــــــــــــــــــــــــــــــــــــــــــــــــ ــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.gmrup.com/show.php/179765_.mp3.html
[/frame]