|
يا محمـــد
السلام عليكم بيه حجي والحجي رايد قصيدة ويا قصيدة وانا للمسواكَ امس بعت القصيدة وبيه دمعه وبيه نوح نوح ماعندة سفينة انا نوحي نوحي مو مثل الروايات القديمة نوحي كاغد غاركَ بطوفان عارم اسمة ماكو اسمة عوز اسمة شوف وعوف كلشي هذا نوحي البيه انا من ارد اكَولة ينحني ضهر القصيدة وما يشيله ياهو كَال الموت عادل ما يفرق بالجبير وبالزغير يا الاهي عندي شكوة حته عزرائيل حاقد عل فقير راد ياخذ روح جاري نزل يتبختر عليه وانا اباوع دور بجسمة علروحة وما لكَاها ثاري جاري روحة شامرها ويباكيت الجكَاير من كَضه وما تصدكَني منكَلك بدلو اذان ربك اذنو الله وأكبر الله اكبر مو تعبد الله واكبر عل فقير الدنيه وبالدنيه تكره كل فقير وحته قاموس الفرح كلش نساه الدنيه تكره كل حسين والفقير تعلم من حسين بالطلف ما يطخ الراس بس وكَت الصلاة يكلي من تظيج اندب يا محمد وك هاي خمس سنين اصيحً يا محمد يا محمـــــد وكلشي ماكو انا ماكو وجيبي ماكو وكلنا ماكو هذا مايعني رسول الله بخيل هذا يعني الدنيه مابيها محمد لو محمد حاظر الأن ويشوف جان ما خله فقير وجان ما خله رصيف عالشوارع حته لاواحد يجدي وجان يذبح شكو شايب حته ماكو اطفال عدنه تكَله جدي لأن هاي الكلمة يكرها محمد يا محمد ادرك الفقرة تعال اي تعال لا لا تجينه انته تدري بكل شبر بالكَاع احتلال خايف تعلسك منارات الجوامع ومن يطلبون الشهود الشاهد الأول بلال الشاهد الأول بلال هذه القصيدى الى احد زملائي في رابطة ذي قار الشعرية هو الشاعر حيدر الحمداني تمنياتي ان تنار رضاكم |
رد: يا محمـــد
الله على الكلام الجميل
بمناسبه الكلام الجميل توقيع هذا العضوا http://imam3abbas.com/vb/member.php?u=30977اعجبني اسوي زيه واكتب كم بيت من الشعر ولا اغير التصميم الي بأسيوه وش رأيكم |
رد: يا محمـــد
السلام عليكم ورحمة الله وبركاته
مشكوووووور والله يعطيك الف عافيه الله على الكلام الجميل بمناسبه الكلام الجميل |
رد: يا محمـــد
مشكور اخي الكريم ..
يعطيك الف عافية ..كلمات رائعة .. تحياتي.. |
رد: يا محمـــد
كم اسعدني مروركم
دمتم بهذه الأطلالة المميزة تحياتي وحبي وكل أحترامي اكرر شكري على مروركم المميز |
رد: يا محمـــد
اجدت
واصبت واحسنت قولا جعلتني اترنم مع كل بيت اقرأه ليردده فؤادي اخوك الشاعر ابو ياسر الكعبي |
رد: يا محمـــد
شكرا لك (حازم)وللحمداني ولأهل ذي قار على هذا الجمال......تحياتي
|
رد: يا محمـــد
ماشاء الله تبارك الله وفقكم الله لكل خير
|
رد: يا محمـــد
اقتباس:
الغالي ابو ياسر هطولك الانيق ولد في عمقي الرغبات ان لا تنتهي الاوراق .. ولا يجف المداد لكِ من أعماق الروح باقة ورد عطرة |
رد: يا محمـــد
اقتباس:
ولي مطر تشرق احرفي بقراءة كـ أنت تحمل بقدومك عبق بنكهة الصدق والنقاء دوما اهلا بضوئك الجميل في هذه الساحه مرورك من هنا ترجم الجمال بعينيه فلا تحرمني منه يا .. ! دمت رائع . . . |
| جميع الأوقات بتوقيت GMT +3. الساعة الآن 03:03 AM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام