|
ضربت زوجتي وماهو الحل؟
السلام عليكم ورحمة الله وبركاته اخواني انا متزوج من 6 شهور من بنت ماتصيرلي وانا ما اقتنعت بخصوص الزواج منها لاني مافكرت عدل لاكن استعيلت بالموافقه ولاكن من بعد الزواج اكتشفت انها دره ومحترمه وخلوقه وزوجه صالحه لاكن بعد مرور الشهور حصلت المشاكل انها قالت حق اختها الكبيره اني دخلت عليها في يوم الملجه السبب ان اختها الكبيره قالت لها اشفيه ويهج مو طبيعي جنه في شي وزوجتي ماكانت راضيه عليي اني ادخل عليها الا بوقت بعد العرس (( الاحسن )) قالت حق اختها بالغلط زل لسانها وانا تضايقت والبيوت اسرار وتأسفت وسامحتها ومع مرور الوقت طقيتها وماقالت حق اهلها والسبب اني تضايقت علشان ليش قالت اختها بسبب دخولي عليها وشكيت انه ناس من اهلها يتكلمون عني بالسوء واهما ماتكلمو وشكيت انه اخوها مايحبني ويكلمني بنفسيه وبالاساس يكلمني بأحترام وهني عصبت وطقيتها وراحت حق امها من وراي وابوها متوفي وقعت بيت اهلها ايام او اسابيع والله ما ادري نسيت جان ابوي وانا نروح عند اخوانها وامها وامي بعد وصار تفاهم وخذيت البنت ومرة الايام جان اطقها بسبب اني ظلمتها لان قايله حق اختي تروح السوق معاها وانا ما ادري اذا قايلها روحي او لاء جنه قتلها عادي مواعدتها من وراي وتقولي كل وقتك بالنت ماتهتملي وانا ابي افهمك انا هني عصبت جان ازفها واطقها وراحت حق امها من وراي وقعدت بيت اهلها 40 يوم ومسكره جهازها جان ابوي وانا و عمي رحنا بيتها جان نشوف خوالها قاعدين علشان يصير تفاهم والحين البنت عندي والسالفه مر عليها شهور شنو الحل مدامي متضايق لما اتذكر هالشي وانا ابي البنت بس مرات افكر بالطلاق راحه لي لان بس اتذكر بلي صار اتضايق وما انام الليل شنو الحل رايكم بالطلاق اهلي يقولون لي ماله داعي الطلاق البنت زينه وتتحسف اذا طلقتها وماجبت منها عيال وبالاخير متحسفه على اللي سوته وتأسفت لي لاكن الاسف مايفيد ما الحل؟ ومشكورين |
رد: ضربت زوجتي وماهو الحل؟
اللهم صل على محمد وعلى آله وصحبه أجمعين
ابغض الحلال الى الله الطلاق اخوي والله التسامح حلو ولا اتخلي الشيطان ايوهوسلك هذه زوجتك وبكرة اصير ام اعيالك ترة والله النساء طيبات وحنونات وانتبة لمن تمرض شو اسوي تتمرض وياك سامحهة اخوي وانسة الماضي لانها جديدة وما كانت تعرف اطباعك وانتو لساتكم باول الطريق مو اي مشكلة تلجاء للطلاق والضرب لانه اكره شيء على المرة الضرب اعطيها الحب والحنان واحترمه واياك اخوي تضربهاذا تبغي حياتكم اتصير حلوة هذا الكلام من واحد الة خبرة |
رد: ضربت زوجتي وماهو الحل؟
والله انا اشوف الرجل الي يتطاول على زوجته
مخلوق ضعيف ولايحمل صفة الرجوله وهو يعاني من انفصام في الشخصيه او نقص في شيء مااا ماعليش اخوي هذا رأيي في كل زوج يضرب زوجته انت ماخذها من بيت اهلها معززة مكرمة والحين تهين كرامتها لا حرام عليك حاول انك تروح الى دكتور نفسي من كلامك احس انك على أتفه الاسباب تقوم وتضربها حاول انك تمسك ايدك اشوي والطلاق ابغض الحلال عندالله وحاول انك تعالج نفسك والله احس انه البنت طيبه وتحبك ليش تعاملها بالاسلوب هذا فكر انت اشوي وحكم عقلك والله يصلح مابينكم |
رد: ضربت زوجتي وماهو الحل؟
بسم الله الرحمن الرحيم
اللهم صل على محمد وآل محمد وعجل فرجهم السلام عليكم ورحمة الله وبركاتة حياك الله أخي الفاضل أذا أردت كلام الحق والمنطق سأقول لك والله على ما أقول شهيد أبغض الحلال عند الله الطلاق. ليس من المعقول أن تضربها على أقل شيئ وحتى قبل أن تتأكد وحتى الضرب لا يحل إلا إذا أقدمت على شيئ مُحرم والعياذ بالله. أنت بنفسك أعترفت بأنها أنسانة على خُلق ودين ومُحترمة إذا لماذا الطلاق؟؟!!! الحل أن تُبعد عنك هذه الأفكار بذكر الله وحكم عقلك قبل أن تُقدم على أي تصرف وحاول ان تذهب ألى طبيب نفسي حتى لا تكبر عندك المشكلة. أتمنى لكم حياة زوجية سعيدة. |
رد: ضربت زوجتي وماهو الحل؟
عذرني اخوي منك الغلط لا تعصب
على اقل شي البنت ماعليه شي للي ضرب زوجته ماعتبر رجل انت اخذتها من بيت اهلها مكرمه معززه ليش تذلها يعطيك العافيه |
رد: ضربت زوجتي وماهو الحل؟
لا تعـــليق....
|
رد: ضربت زوجتي وماهو الحل؟
مادرى شنو اقول بس لاتضربها ولا اطلقها
|
رد: ضربت زوجتي وماهو الحل؟
والله اخوي محمد انت إنسان محضوض على الرغم بإستعجالك إن الامر بصالحك
البنت مؤدبه وخلوقه وهذا اهم شيء بصراحه يعني انت اللي لزوم تغير من اسلوبك واطباعك وحاليا البنت ماتلام لم تروح بيت اهلها من بداية الزواج ضرب لاالله ورسوله مايرضى بكذا الله يهديك روح تأسف للبنت واعتذر لها لان كذا بيرفع من قدرك عندها واوعدها إنك ماتضربها وتكون متفهم للامور واوفي بوعدك والله يصلح بينكم |
رد: ضربت زوجتي وماهو الحل؟
اقتباس:
|
رد: ضربت زوجتي وماهو الحل؟
يسلمـــــــــــــــــــــوا... أمنياتـــــــــي القلبية لكم بالتوفيـــــــــــق والنجاح الدائم يــــــــــــــــــــــارب.. ياربي انشاء الله صحة وعافية بحق محمد وال محمد |
| جميع الأوقات بتوقيت GMT +3. الساعة الآن 04:58 AM. |
منتديات أبو الفضل العباس
جميع الحقوق محفوظة لمنتديات أبو الفضل العباس عليه السلام