منتديات أبو الفضل العباس عليه السلام - ياكاظم الغيض إوقلعة الايمان!الشاعر حسين الساعدي

http://www.aldahr.com/forum/images/i...20%2899%29.gifياكاظم الغيض http://www.aldahr.com/forum/images/i...20%2899%29.gifإوقَلعة الايمانhttp://www.aldahr.com/forum/images/i...20%2899%29.gif

يامسجون مثلك راهب السجان!
يَمرَكَع السجن وَمرَكع اركانه

هارون النذل ضايع بَلا عنوان
وانتَ كَُبتك من ذَهب مَولانه

يَمطهر الجسر من خطوة الشيطان
ياجسر الشهادة الباقي نيشانه

مواكب للكرامة ابنخوة الشبان
كل طاهر شريف اتعنى ويانه

على اجفوف المنايا وانتفض عثمان
والهسه الجسر ما ناسي عثمانه

موالينك اِسود اتحدوا الطغيان
خاف الخوف منهم غِلَك بيبانه

يانهر الولاية ابكل وَكت مَليان
لان بيه كل موالي فاض شريانه

ياموسى ابن جعفر ياعظيم الشان
اليجهل شخصك اعمى وضاع برهانه

يَل كل تضحياتك قربه للرحمن
والناصب سَفيه ايسيره شيطانه

يل امجازي الاسائه ابطيبة الاحسان
ياباب الحوائج يزهي ديوانه

الحزنان التعنالك يرد فرحان
ياخذ رادته وتتبدد احزانه

ياكاظم الغيض إوقلعة الايمان
ياناطق وابد ما سكت قِرأنه

بقلمhttp://www.aldahr.com/forum/images/i...20%2899%29.gif
حسين الساعدي

ذكرت اسم عثمان بالقصيده
وهو الشهيد الذي استشهد مع زوار الامام الكاظم عليه السلام في حادثة الجسر!
عندما كان ينقذهم من الغرق وهو من اهل السنه سكنة الاعظميه رحمة الله عليهم جميعا