منتديات أبو الفضل العباس عليه السلام - الى اهل البحرين اقول قلوبنا معكم

ابن سعود ينبح جنه مسعور **** وعالناس الشريفه امكشــــر انيــاب
يحكم بالمدينه ومكه ياحيف **** وبأسم الدين يتحكم بالرقــــــــــــــــاب
وال سعود هم محسوبه اسلام **** ومامره قرو اّيه من الاكتــــــــــاب
همٌه اول سهم صوبو عله الدين **** وهمُه الاسسو قانــــــون الارهاب
وملوك معكلــــــــــــه ذكرتني بالراح **** يوم اجمعت ضد النبي احزاب
غنم للاجنبي وخدام ماسون **** وعالبــــــــــــــحرين صارو كلهم اذياب
خزيتو العُكل ذبوه للعكال **** تلوك الكـــــــــــــــم الفوطه وكصر الاثياب
طلع شعب المنامه يريد الاصلاح **** ومن حـــــــب الوطن لابس الجلباب
شعب راد العداله وراد الانصاف***** متحزمه بعقيده الشيب والشــــــاب
طلع لابس درع درعه من الورود**** ظنه الجيش اخوته وبيه الاصحاب
ردو عالورد بارود مسموم **** وبجيت اعله الورد بالمدفـــــــــع انصاب
يعرفون الورد عطره من الحسين **** خافــــــو من وردنه يصير نشاب
شعب اعزل طلع ماشايل اسلاح **** وعليه صوبو بنـــادق ويه الاحراب
وهب درع الجزيره وحقده معروف **** ناسه مجنـــسه ومرتديه الانكاب
خافو عالملوك اعروشهه اطيح **** لان عطــــــــــر التظاهر من الاطياب
وسالت هالدمه ومانسمع اخبار **** اخرست هالـــــعرب معروفه الاسباب
لان هذا الشعب فكره من الحسين **** وأسم حسيــــن ثوره تكول الالباب
اريد احجي نيابه عن الاشراف **** والـــــــــدرع الجزيره انوجه اخطاب
وين ادروعكم من ضاع الكويت **** وعن قدسي الحبــــــــيبه ليش غياب
لتصدكون منكم ناسنه تخاف **** من كــــــــــــــــــل الطغاة الشيعه متهاب
بس موكب اظن كافي عليكم **** لو يصدر امـــــــــــــــــــــر ينكلب دولاب
ويفر بيك الارض ويفرج الناس **** ويخلي دنــــــــــــــــيتك ظلمه ينصاب
ويسوي دروعكم فافون للبيع **** ويهلس شاربك ويلبســـــــــــــك احجاب
واحجي اويه الملك وأرد اّني اسميه **** ملك مملوك يخــــدم عند الاجناب
ظنك ذيب أنت وأنت جربوع **** من تحجي اتراجــــــــــــــــفك جنك اغراب
اخجل لو حجيت بأسمك اشعار **** وادري اوياك ماينــــــــــــــفعني الاعتاب
صح أنت ملك بس مال شطرنج **** بكش وحــــــــــده تطيح وتصبح اتراب
ياشعب المنامه ريتنه اوياك **** وكل احنه انتـــــــــــــــشارك نفس المصاب
انتواعزازعدنه وكلش اعزاز**** انتو أخوان النه واغلــــــــــــــــــه الاحباب
وأرد واقسم نيابه عن الاشراف **** وحق احســــــــــــــــينه وي داحي الباب
لو مسموح النه نصول صولات **** نهب هبة شرف اســــــــــــــــراب اسراب
وناخذ ثار دمكم ويه الارواح **** ونسحك عالمــــــــــــــلك وندوس عالاذناب
ونخلي يومهم اسود فلا صار **** مثل يوم القيـــــــــــــــــــامه ويوم الاحساب