أدري انه كلامي ماراح يودي ولايجيب
لكن بتكلم من حرقة قلبي
طبعاً كل شي له إجابياته وسلبياته وأنا اللي أشوف انه قمة الظلم مجهووووووود 12 سنه يحدد مصيره اختبار لايتجاوز إلا سويعات 3 أو 4
صحيح شي مهم انه يحددون قدرة الطلاب والطالبات بس بصراحه من غير انصاف أن تحضى الطالبه بفرصه واحده لتحدد لها المستقبل
والشغله كلها ترى ضربة حظ لأنه كثير من الأسئله صعبه ولانعرف نحل فيصير الاختيار كله تخمين
<< يعني نمشي ونلون
لكن ما أقول الا حسبي الله على الظلاام
وأنا عن تجربه شخصيه لي
توني خريجه من الثانويه هذي السنه وكنت أتمنى وأحلم يقبلوني طب أو صيدله وجديت واجتهدت وحققت نسبة 100% في الفصل الأول وحافظت على هالنسبه والحمد الله مانزلت كثير بالفصل الثاني
وحتى نسبتي بالقدرات والتحصيلي تعتبر زينه بالثمانين لكن الجامعه هالسنه مستنذلين وطالبين نسبة للقدرات والتحصيلي بالتسعين ما أظن حدد حققها إلا قله لأني واللهِ أعرف بنات من العشر الأوائل على المملكه ماجابو نسبة القدرات والتحصيلي بالتسعين لكن حسبي الله على الظلاام
وأنا حالياا إنقبلت في كليه ما أبقها بس شسوي بس في أمل ضعيف انه أنقبل في اللي أفضل منه
عذراً عالاطاله لكن الموضوع شدني أن أكتب مافي نفسي
شكراً لكِ خيتي عالطرح
اختكم المحتاجه للدعاء"عقيله"