[رحيم الحسناوي]

يا علي الدر من نخيتك


من نخيتك صوُرَتلي الحاله بيتك

لا رفاه ولا حرير ولا مناضد

لاسُبَكَ ملكك هويتك , يا علي الدر من نخيتك

من نخيتك شفت خبزه وشفت ماي ونكّطت يمكم رجاي

ويا قليل المال يالجاهك عظيم , بلا امل وازحف اجيتك

بايدي كَلبي وما خطى الحكَ والله دربي

بذلّة الهم اعتنيتك

من نخيتك ذلّت الشده وصحيت بلا شعور

وراحت النيبه وعواصفهه التدور

شما ردت يابو اليتامه كبالي صار

وطاحت اهوال التجاسر منهه عالمثلي وتجور

وانته بس الما تردني , يوم بلساني سليتك

يا علي الدر من نخيتك

على ما يوصف قلم منّك يدر لو يستجير

وانته سيف الله وصرح للحك جبير

شما يصير شما يصير الناس ما تعرف غلاك

وانته ربّك يا علي بكبرك هواك

شما تصير الدنيه, ما تعله بسماك

وانته اول يا علي وكلهه وراك

ولا ملك لا سلطه لا حاكم علاك

وهمه خسرو وانته عند الله الغني

وحتى لو مو دافي وانته ابن المعالي وخالي بيتك

يا علي الدر من نخيتك
رحيم الحسيني الحسناوي