[عاشك اباعبدالله]

يم عبــــاس هلردينـــه يم عبــــــاس

نشكي اهمومنه جينه لبو النومـــا س شوف الحال ** الهضم جتال

اجيتك خويه يا عبـــاس ملهــوفه جفيلي انته وعتبي وياك ماعوفه
شلون ادخل سبيه وحدي للكوفه
وآنه ابخدري بين الناس معروفه
وأم الخدر اسمي وبيه موصوفـه
بحبل ترضاها بين الناس مجتوفه
بحبــــــل ننكاد ترضاها بحبل ننكــــاد
وتجرح جامعه ركَبة علي السجــــــــاد
وضرب لأنذال ** الهضم جتال

ركبنه اعله الهزل خويه وطريق اطويل
زجر يحدينه وبسوطه ضرب لعليــــــــل
وآنه حرمه والرده مالي حيل
ولوطفله أصرخت بويه اجتهه الخيــــــل
تضربهه وتهددنه نشـــــــــوف الويـــــل
اذا صحنه يحيدر يا ابونه ادخيل
سيــــاط الكَوم بمتوني سياط الكــــــــــوم
بعدكم راح كل خدري وبكَـــت لهمــــــــوم
شوصف الحال ** الهضم جتال

دروب اطويله مشونه بطريق الشام
خوارج هم يسمونه وترف لعـــــلام
وراس حسين جدامي يخي كَدام
ولاجنه النبي جدنه ابو الاســــــــلام
وابونه حيـــــدر الي هدم الأصنـــــــــام وعمنه جعفر وحمزه الوفي الضرغام
علينه النـــاس تتفرج علينه النــــــــاس
راح حسين من عندي وعلي وعبــــــاس
كَظت لأبطال ** الهضم جتال