السلام عليكم ورحمة الله وبركاته
لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها....
واللي ما يريد هالشرو ط اخلي اصابعه اللي طقت على الكيبورد
الكسر... >>
ولو ما عليه كلافه يطق راسه باقرب حايط....احنا ما نلعب....واللي يريدنا حياه الله بيننا....فهمتوا.
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....
فاللي يريد يسجل ويانة يوافق على الشروط من ورى خشمه ....
والشروط هي...
1- اللي يسب اي واحد من الاعضاء نجيه ونربط حواجبه في صدامات الهايلكس
وبنروح ونطعس فيه باقرب طعس...
قايلكم احنا ما نلعب
2-اللي يخربط بالدين او بالسياسه....هذا عذابه عذاب. اخليه يتخيل انه قرد ولا عمره ذاق موز....
واحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....
قايلكم احنا ما نلعب
3- انتم اعضاء لكم تكتبون بس....ولااحد فيكم يسوي روحة مراقب مانريد مراقبين.....
فهمتوا ولا افهمكم...
4- مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل من الذب بنخربط وجهه ونخليه يشوف في المرايه ويطلع الاخطاء التسعه
عشر....ايه تسعطعش...ساحتنا واحنا حرين فيها
5- اللي يسجل باسماء قبايل وعوايل...ولا مخله بالادب....هذا نوديه لا اقرب شيخ وبنكويه
من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه لحد مايقول....
اشهد ان الددسن سياره... قايلكم ما نلعب...
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يريد يسجل
ويانة يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....
ملاحظه......
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها.....
موافق.................
غير موافق...............
واللي فيه خير يكتب غير موافق.....
وأعتذر للجميع من مؤسس المنتدى والمشرفين والمراقبين والأعضاء الكرام وأتمنى محد يزعل