[عقيله]

بسم الله الرحمن الرحيم
اللهم صلِّ على محمدٍ وعلى آلهِ الميامين الأطهار
السلام عليكم ورحمة الله وبركاته
احـم احـم
طبعاً معروفه أنا أكيد عندكم انِّي الطبَّاخه الماهره والجميله والفنانه في المنتدى وقريب بتشوفو كتاب طبخ باسمي نازل في المكتبات ان شاء الله <<لا ياشيخه مانقدر عالثقه تكفين ههههههههه
المهم عاد أدري اني ماقلت شي جديد أو غريب صح ياحلوين
نجي للحلى اللي عملته ذاك الاسبوع وسالفته
كنت أحوس في النت أدور طبخات
لأني كنت أبي أسوي حلى حق جمعتنا
وكان تطيح عيني على كيكه اسمها (كيكة الكوسا)
<<<يالطيف كيكة كوسا!
قلت أدخل أشوف شو هالكيكه وأدخل وأشوف صاحبتها تمدح فيها وان طعمها طيب وحاطه صور وهيكه يعني
هنا تحمست أنا وقلت بجرب أسويها
وسويتها طبعاً <<أيوه قول وفعل هع
وطلعت صدق طعمها حلوووه كثير
فجربوها واستمتعو بالطعم اللزيز
المقادير :
3 بيضات
قليل من بشر برتقال أو فانيلا (أنامتعوده أحط بشر برتقال)
أربع حبات كوسا منزوع قشرها ومبشوره
1كاس طحين
ثلاث أرباع كاس سكر
نص كاس زيت
ملعقه صغيره هيل وزعفران
ملعقه كبيره بكنج بودر
الطريقه :
يخفق البيض وبشر الربتقال والكوسا المبشوره لفتره
ثم تضاف باقي المقادير وتخفق جميعها
ثم تصب في حله مدهونه بالزيت
وتدخل الفرن الى أن تستوي وتحمر كذلك من الأعلى
للتزين :
4جبن كيري + علبه صغيره حليب محلى +هرشي سائل
وهذا شكلها النهائي
قبل التزين

بعد التزين

بعد التقطيع

وصحتين وهناآ