[سلام البصري]

دارميات مع الدار التي اصبحت خاليه من الاحباب!




1
زيديني بالدمعات للدمعهَ محتاز
ورجعي صدى الاهات يادار الاعزاز

----

2
بلكت نسوا تصوير فوك الحياطين!
الدار المشوا طبيت والدمعه بالعين

لا

لا ما نسوا تصوير كلها خذوهه
يالساعدي الحيطان مثلك سبوهه

----

3
ناحت ابوسط الدار روحي ابولمهه
وبعتبة الماشين رادتني اطمهه

---
4

ابابج لاضل ناطور وافني شبابي
يادار أشمن بيج ريحة احبابي

----

5
عنج مشوا يا دار وبهل مسيه
خل نكعد أنه اوياج نبجي سويه

---

6

مسكينه بس اتنوح منتظره غياب
افكدهه والكه الروح يم عتبة الباب

-----

7

خل اليلوم ايلوم مجبور امر بيج
ويوميه بالدمعات يادار اواسيج

---

8

مثل الطيور اتحوم روحي اعله دارك
وبكًلبي شبت نار مر طفي نارك

----

9
عيني العمه إولا اشوف دارك خليه
من غربت لليوم شمسوي بيه

----

10

اصرخ ابنص الدار يرجع صداهه
اتجاوبني بس الموت روحك دواهه

-----

11

جن ذكرى الي الضحكات وبداره ضمها
يا ضحكته الهل يوم واسمع نغمها

---

12
يوم المشوا يا دار خلوني مجنون
وحجايه للعذال ويه اليلومون
----
13

زارع ابابج عين لو للمنيه
وانتظر هلبت يوم ردوا عليه

----
14
دَعميهن إوترتاح شلك بالعيون!!
يالساعدي الماشين ما ظن يرجعون



بقلم
حسين الساعدي


منقووول