************
دخلت الحَضـرِتَـك مـهمـوم يـالكـاظـم وبيـدي إكـتاب
مـخطـــوط إبـنجـيـع إدمـاي ممزوج إبدمـع سـچّـاب
طــالَـت طـلبـتــي مــولاي وأنـت المـــاتـــرد طــلاّب
مُـدَّه إســنيــن وآنه أنطـُر إمـرادي وأنتـظـر الجواب
لُمَّن نفذ صبري وضاگ صدري وهرِش گلبي إنعاب
بـيــبـــانـك إكـنــوز إمــراد ودارَك مـلجه للمــرتــاب
طبيب وگاضـي الحـاجـات كلمن زار شــخصك طـاب
بس آنـه يبـن جعـفـر بُـقَــت حـاجـتـي إبـسِـد البــاب
جــارك خــادمـك مـجـروح مـضيـوم ودلـيـله شــاب
بسهـام الـدهـر مـصيـوب تِـرضىَ بخـادمـك يـنصاب
جـيتـك يبــو طـلبـه اليــوم أعـاتــب والگـلب لَـهّـاب
انت المـاتــرِد مــهـضـوم واليِـگـصِـد أبــد مـاخــاب
إعليك أقسِم إبضلع أُمك وأبـوك الفحـل داحي البـاب
إعليـك أقسم إبعـبدالله الـرضـيع الصـَــوَّبه النـِشّـاب
تِگضي حاجتي الكَلفَه يَمَن شارِتَك تِگــضي إصعاب