[الامبراطوره ملاك]

هنا یتجسد ابداع الشاعر القدیر جواد الخطیب :

طاحت الرايه لمن طاح الكفيل وصارت وي جروح ابو فاضل تميل
فزعت وسمعت من خيمهه عويل وعافت اعله المشرعه كفالها
.................................................. ..........................
فزعت الرايه ويسكتهه الحسين ظلت وي الحرم جف يمسح بعين
ولمن صاح حسين الاهل من معين فزعت ومحد كدر يدنالها
.................................................. .........................
فزعت الرايه على هيئت كمر وجندلت كل فارس اليمهه عبر
ساعه يم حسين ساعه اعله النهر تنده وبس للدمع ضل حالها
.................................................. .......................
تنده بعباس بس مامن مجيب ياحماي تكله ناوي اعله المغيب
راح اظل ايتيمه عكبك يالحبيب رايه صح بس انذبح شيالها
.................................................. ........................
انذبحن جفوفك علمت بحالتك عينك وجودك وطبرت هامتك
راح امد روحي واصير وسادتك يالطحت متخضب اعله رمالها
.................................................. ..........................
يالطحت بحسين ماتدري الجره وحيد بالميدان محد ناصر
اعتذر منك يسبع الكنطره راح اروحن للخيم لطفالها
.................................................. .............
راح اروحن وارجع لوادي الدم وانصب اعليك العزه وسط الخيم
هنا يزينب حشمي كل الحرم لخيمت العباس نبجي اكبالها
.................................................. ......................
اعله الكفيل اليوم اريد اجري الدمع ولطم اعله مصابه كل لطمه بضلع
رايه انه بغير جف مالي نفع راح اردلجفوفه وتعنالها
.................................................. ....................
راح ارد لجفوفه وأنده بالزنود وصرخ بصوت الذي يلم الوجود
بعين مطفيه اعاين على الجود وعتب عليه ماوصل لعيالها
.................................................. ..................
اعتب عليه ماروه جبود العيال نايم بكتر الكمرفوك الرمال
كوم طر النهر واكصد للاطفال عليك ياجود الصبر امالها
.................................................. ........................
عليك ياجود الصبرعطشت انضار تنتضرجيّتك ملهه الانتضار
بكلب كل طفله وطفل للعطش دار بجمرته يْعَطشِ البحر دلالها
.................................................. ............................
هناك ناده الجود بسج بالعتب ادري بجبود العطش نار اللهب
انجانج يالرايه تردين السبب يختي روحي مكطعات اوصالها
.................................................. ......................
مكطعات اوصالي وي كطع الجفوف وطحت من قصر الحمه لوادي الخوف
وطاح مايي وشربته ارض الطفوف ولامتي من السهام فصالها
.................................................. .............................
عافته وفززها بالحومه نداء شافته القران ابن خير النساء
بصوته لوله القدر ماتت كربلاء صاح اميه اليوم ابيد ارجالها
.................................................. ......................
اليوم اميه بلايه روس مدده بسيف اخو العباس كلهه موسده
ولوله سهم الغدر ماضلت عده جان صار بكربله اجالها
.................................................. ............................
صاحت الرايه ونعم من هل الاصل سيفكم وكت الحرب لانايمل
ال هاشم ونعم كول وفعل وغيركم هالمتبه من نالها