10-15-2012, 03:37 PM
|
رقم المشاركة : 1
|
|
|
هوسات الى الاقمار الزاهره في محرم
السلام عليكم
احبتي الكرام
اليكم هذه الهوسات الى شهر محرم الحرام
وهي الى اقمارالطف
اسأل الله قبوله لي ولكم
*********************
هــوسات للعـبـاس (عليه السلام)
*************
يـل بيك العـزم يـل رافـع انته الراس
مقـيـاس الـزلـم منـك يجـي المقـياس
مـنـك والنعـم يابـو الــوفــه عـبـاس
عالشاطي اچـفـوفك وفايه
****************
لچـفــك يـابـو فـاضل لاگـت الــرايــه
يـم الـنهــرانـتـه ومشـربــت مـايـــه
الغايه تجـيـب ماي وحـقــقـت غـايه
ولاگـاك الـموت ولا گـيـته
*************
هـوسات علي الاكـبـر (عليه السلام)
*************
مـن تـبـرز يـالاكـبـــر چـنــــك الـكــرار
نـفــس الـنــزلـه ذيـچ وصارمه الـبـتـار
بـيــك احــتــارت الـعــدوان يـامــغــوار
گالوا حـيـدر رد بسيـفـه
**************
اصـرارك اصـرار وثـابـت بـــعــزمــك
مــا تـبــخــل يـالاكـبـــرونــذرت دمـــك
صـوت يـنــادي اسمــع صوت منامـك
يـولـيـدي اتـقـدم للحـومه
*************
هـوسات عبدالله الرضيع
***********
مگـطــوع الـنحــر عـبـدالله لـمـن طـاح
ومن كـثر العطش شوف الطفل ماصاح
ضربـوا بـالـنحــر نام الطـفــل وارتــاح
مـذبـوح وفـايـض بـدمـومـه
**************
عـبـدالله طــفــل والــمــوت مـريــمه
عـطـشـان وشـرب بـالگــوه مــن دمه
اخــذوا عــدل مـيـت رجـعـــوا لامـه
وتـنـوح لـفگـده وحـزنـانـه
*************
هـوسات لمسلم بن عـقـيـل
*************
مسـلم والـنـعــم مـنـك يـبـحـر الجـود
حـلال الـمـشـاكل مسـلـم ومشـهــود
اليگـصدلـك بحاجه تگضي من يعود
من يطلع منـك يـاخـذهـه
************
بـالكـوفـه يمسلـم انـتـه بـابالـنـور
والطالـب الحاجه تگضي من ايزور
دستور الـوفـه مسلـم يـظـل دستـور
دگ بـابه واطـلب من عنده
***********
هـوسات للقاسم العـريس
************
عـريس وشبـاب بـعـرسـه مـتـهــنـه
مـن دمـه الشريف الـطـاهـر اتـحـنـه
بـاع الـروح جـاسم وأشـتـره الجـنـه
للحـومه وزفـوه بـهــدومه
************
ما شاف الـعـرس وتـحــنـه بالمـيـدان
ما بيـن السيـوف أيـطيـح والـعــدوان
وتـخــضـب بـــدمـه زيـنــةالـشـبــان
جسام ومـا تـمـم عــرسه
*************
هـوسـات لـلانـصـار
***********
والـنـعـمـيـن مـن انصار ابـوالـيـمه
واحـدهـم بـطــل بـالــدم كـتـب اسمه
لجــل حسيـن ما واحــد بـخــل دمـه
بالطـف انصاره ايحـيـطـونـه
***************
انصـار ابــو الـيـمـه والـنـعـم انصار
ما صار الـمـثـلـهـم لا ابــد مــاصار
تـحـتـار بـوصفـهــم تـتـعـب وتحـتـار
ما قـصروا بـالـدم ضحـوله
*************منقول
|
|
|
|