يا عيد التكولة عيد الايتام
عيد بلايا ام شيسوى بس كول
عيد بلاية امي هواية مكسور
لا يرهم عرض لا يرهم بطول
من يوم الي رحتي معاشر دموع
وابجي وداعتج من حول للحول
يمة انتي فصل لا مو فصل لا
امي ورب محمد كل الفصول
امي اني اصل ورد وية ريحان
غصن بان ونبت من بين الاصول
يمة انتي ورد بس يا ورد هذ
ورد بكلوبنة وحك الله مشتول
يمة وداعتج لو بس ترجعين
بالليل الشمس تطلعلج نزول
احلا هدوم لبسو كل الاصحاب
واني لبست هدمي الجان مشكوك
مو قصة فقر تدريني مرتاح
بس بالثوب احسن يخنك الشوك
لان بي ريحتج البسته مجبور
ومن عطرج احسن كلي مخنوك
متشك الخشم الريحة والله
يمة وداعتج اتشك الحلوك
يمة وداعتج اتشك الحلوك
كنت هنا
بأبسط ما كتبته
لمن فقد حنان يعادل حنية الارض كلها
اقول لكم كل عام وانتم بخير
احترامي