الليله ميلاد النبي **** الدنيه كلهه منــــوره
بالفلك فاحت عطوره **** من عطوره معطره
شعت الانوار ***** الليله والاقمار
*****************************
الليله شع نور الرساله **** بنور سيد المرسلين
صلت الاملاك لجله **** صله جبريل الامــــــــين
ظهرت بنوره علامه **** بيهـــــه نور الطاهرين
فرحت الافلاك كلهه **** لجلـــــــه شكرا ساجدين
فرحت الاملاك **** ضوت الافلاك
الدنيه من صورة نبينه **** باحله صوره مصوره
**************************
الهادي رحمه الهالبريه *** وصفـــــه الذكــــر الحكيم
لقبه الباري بكتابــــه **** صاحب الخــلق العظيم
بعصمه واخلاق وجلاله **** ادبــــه ربنـــه الكريم
باسمه مكتوبه الهدايه **** وكل صراطه المستقيم
ساعة الميلاد **** انتشرت الاعياد
لاحت انوار الامامه **** بشجره طيبه طاهره
****************
بساعته الاولى ايتكلم **** بالمهد جان ايتشهد
بالصبا جان وشبابه **** يصلــي بالغار ايتــعبد
بجيته اسراب الظلامه **** كلهه من نوره اتبدد
ربنه مختار الاسامي **** احمد ومره محمـــــــد
اسس الاسلام **** حطم لاصنام
رحمه للعالم نبينه **** اسمه هيبه ومفخره
******************
سورة الاسراء تشهد **** هالنبي مااعظمــــــــــــــه
صله بالاملاك كلهه **** وصلت اوياه الـــــــــــسمه
قاب قوسين ايتدله **** وصارت اعظم مكرمــــــــــه
كلشي شافه اللي يخصه **** يخص علي وي فاطمه
هو والكرار **** بيه الاسرار
عترة الهادي محمد **** دنيه همه واخره
********************
بالعلي الواح الاحد **** باسمه احنه نبـــــــتدي
وبالنبي ودينه ارتفعنه **** وبالشـــــريعه نهتدي
وبطريق العتره كلنه **** نمشــــــي بيهم نقتدي
نزرع اغصان المحبه **** ولا نخــــــون ونعتدي
هالنهج عنوان **** احنه بيه اخوان
نبقه وي عترة نبينه **** شمال يصير وما جره