يبن خاتم الانبياء ** يبن سيد الاوصياء
...........**********............
بدمك الطاهر طريق أنت أرسمت
لجل هذه الدين نحرك قدمـــــــت
تبقه خالد للأبد لا مامـــــــــــتت
كعبه صارت كربلاء** يبن خاتم الانبياء
...........********............
والله ذلينه بمحبتك هالطغـــــــاة
وما نخاف من المنايه والمــمات
عدنه حب حسين معناه الحــــــياة
يبقه ثابت هالولاء ** يبن خاتم الانبياء
..............*************..............
التمت اليوم النواصب واليــــهود
تريد قلب الشيعه عن حبك يهود
دوم تبقه شيعتك توفي العـــــهود
كل احنه نصبح فداء ** يبن خاتم الانبياء
...........*************................
من غدرهم صــــــار موطنه جريح
ياما فجرونه ورادونه نطــــــيح
نبقه نهتف دوم يحسين ونصيح
باسمك يرف اللواء ** يبن خاتم الانبياء
..............*************..............
كل ارضنه اليوم صارت كربــله
عاد لينه ايزيد ردت كل هلــــــــه
تريدنه حب الحسين نبدلــــــــــه
رخيصه لجلك هالدماء ** يبن خاتم الانبياء
...........**********................
انت مصباح الهده وســــــط الظلام
وانت عنوان المحبه والســــــــلام
ناحت اعليك الملك ناح الحـــــــــمام
وبالدمه تنوح السماء ** يبن خاتم الانبياء
................***********...............
كلنه حطينه المنايه اعله الصـــــدور
فدوه لجلك سيدي اجساد ونــــــــــحور
من اجل هالمعتقد نصبح جــــــــسور
بتربتك نلكه الشفاء ** يبن خاتم الانبياء
................***********...............
قسم نقسم دوم باســــــمك ياحسين
تبقه منهاج ورمز للثــــــــــــــائرين
وابد ماننسه القضيه ولانـــــــــــلين
بأسمك ندعي بالدعاء ** يبن خاتم الانبياء
..................*************..................