05-06-2013, 04:56 PM
|
رقم المشاركة : 1
|
|
الله عالهاشميه
الله عالهاشميه ** والله حره وابيه
**********
زينب رغم مهضومه ** مادنجتهه الهامه
اخذت درس من حسين ** صار الابا علامه
بالزعل تشبه عباس ** تنضح وفه وشهامه
سلطانه وتشع بنور ** تستاهل الزعامه
غيرتهه حيدريه ** والله حره وابيه
***********
عصمه وكرامه وبطيب ** بنت الوصي يعرفوهه
زود وعلم وبايمان ** اهل الشرف وصفوهه
جم طاغي واجم زنديق ** ما كدرو يذلوهه
بالحكمه واسرار الدين ** فنهم اذا لاكوهه
ذلت بني اميه ** والله حره وأبيه
*************
هزت عروش الطاغي ** جنهه علي بخطبتهه
حركت فكر كل افاك ** زلزال جن كلمته
للذله لا ماتنصاع ** هيهات من ذلتهه
اقزام صار الفجار ** من اعلنت ثورتهه
بت حيدر الثوريه ** والله حره وأبيه
****************
عفه وطهاره وايثار ** والخدر صبح ايه
اتكمل طريقك يحسين ** هو الهدف والغايه
عدهه عهد وي عباس ** شالت بداله الرايه
درب الصبر صار ادروع ** واتحدت المنايه
هاذي المحمديه ** والله حره وأبيه
*************
كعبه واميره للشام ** والناس تتعناهه
ماضي الزمان اللي راح ** جم ناصب العاداهه
وردت عليهه الاحفاد ** بارهاب تتحداهه
هذا الزمن ياشيعه ** وسط العده خلاهه
تندب يجعفريه **والله حره وأبيه
*************
زينب تنادي بهاليوم ** واطالب اليحميهه
نفس الخطاب بعاشور ** حين الخطب واليهه
لا كافل ولا خوان ** لا ناصر ايهب ليهه
يمهه قليله الانصار** بروح ودمه تفديهه
هالروح الج هديه **والله حره وأبيه
**************
|
|
|