جاسم عريس طفـو شمعته جاسم
جاسم للحومة صارت زفته جاسم
جاسم من دمه عجنو حنته جاسم
حنت العريس دمه ودمعه بالعين يبني انته فدوه لحسين
رملـه عالموعـد تتاني يرجعـلهه يا املهه وينصـر الدين
تـدري ذاخـرتك امانه مـن زمـانه انته وينك والـدك وين
يالنويت تودع امك خل اشمك ويـن اضمك سلـوة للعـين
حنتك من دم وريدك جنهه عـيدك وانته بـيدك يبني حني
وانه من شوكي ولهفتي ما امـلـن يبني بالون يزيد وني
وياك أخذ روحي بغيابك ياعـذابك من مصابك وياك اخذني
انته يالساكن عيوني مكدر انساك وينه ملكاك تمشي عني
وياك اخـذ مـني الكـلب وياك
الحسن يبني هذه يمك من اسمعه يجري دمعه على مصابك
حضر بالطف وينادي يبني وعـدي هاك عهدي بكـل شبابك
ينضر الطـولك يشاهـد ربي يساعـد كلبه والـد وعـن غيابك
ما يعوفك لحظة وحدة وجبدة ينزف وبيك يعرف ويا عذابك
شاهـد عـلي هذه العـمر شاهد
بالـطـف بجـالي الجـمـر شاهد
فزن جروح ومصايب بيهه الجروح ضلت تنوح دمعت امك
ركضت بلوعه الابنهه عنده طاحت يمه صاحت وين أضمك
هاك اخذ من اليالي وذيج الايـام صارت احـلام جنت اشمك
حتى شمعاتك ييمه ويه الشموع صبن ادمـوع ويسبي همك
ادري ماترجع واتاني ونتضرتك لتهاني بالاماني اليوم زفتك
وحسبتهن لحظة لحظة كــل سنينك ونته وينك وبيـدي شلتك
يالعفتـني وبيه تـدري انه وحدي ياهـو عـنـدي بعـيني شفتك
سنيني بفراكـك طويله وانـه عـاني يمته تطلع روحـي وافتك