10-13-2013, 02:31 PM
|
رقم المشاركة : 1
|
|
|
جنني حبك ياعلي
جنني حبك ياعلي ** مفتون والله بالولي
ماعندي غيرك ياعلي ** غيرك شعندي ماألي
جنني حبك ** جنني حبك ياعلي
********
بالنسب انته ياعلي ** من اطهر الانساب
حبك ثبت وسط الكلب ** من جنه بالاصلاب
بكل شده ويه المعضله ** نندب يداحي الباب
بحبك الروح امدلله ** انته التحــــل المشكله
انته امامي ياعلي ** يالبيك همي ينجلي
جنني حبك ** جنني حبك ياعلي
*********
انته الولي الهاذي البشر ** بيك انعرف الايمان
انت الوصي بعد النبي ** اطيعك انس والجان
ندري اليضدك ياعلي ** يوم الحشر خسران
امرك الباري عرُفه ** الوالاك واله المصطفه
دربي اعله دربك ياعلي ** نهجك صُبحلي منهلي
جنني حبك ** جنني حبك ياعلي
***********
لولاك والله ياعلي ** جا ماعرفنه اســـــلام
للامه اصبحت الولي ** وانته البطل ضرغام
باسمك تحدينه العده ** بحبك رفعــــنه اعلام
حبك ثبت وسط الكلب ** مانتركه الهذا الدرب
ضدوني لجلك ياعلي ** خسران دومه عاذلي
جنني حبك ** جنني حبك ياعلي
***********
رادوني عنك ابتعد ** كل ظنهم اّنّه انساك
مادرو حبك سلوتي ** عايش على ذكراك
حبك ابد منبدله ** عالفـــــــــطره حبيناك
دربك ابد منبدله ** العاداك ربنه يخذله
من صغري اندب ياعلي ** انته اميري والولي
جنني حبك ** جنني حبك ياعلي
***********
من غيرحبك ياعلي ** شلي اّنّه بدنـــــــــياي
انته النبض وي مهجتي ** انته اصبحت سلواي
حبك جره ويه الدمه ** جان برحــــــــم ويــــاي
ذكرك صُبح عندي الهوه ** حبك علي اصبح دوه
باسمك تراهه ياعلي ** مفتخره ناسي وكل هلي
جنني حبك ** جنني حبك ياعلي
**********
|
|
|
|