السلام عليكم ..
خيتي عاشقة الجواد عليه السلام
انا لي اخت عمرها ثمان سنوات
ما تمشي ولا تقعد ولا تمسك و تتحرك
بس تتكلم شوي ...
لكن ما شفت ان هذي مصيبة ... و حاولت اطلعها لبر الأمان !!
لا تنسين ان الانسان قبل ان يوضع في الارحام و الاصلاب يسأل ان كان يريد ان يكون صاحيا او معاقا
في الدنيا هي معاقة لكن يوم القيامة ستكون في الجنة ان شاء الله
عامليها مثل اي طفل
مافيها شي
ضحكيها ... لعبيها ... رضعيها
هذي تظل طفلة و تفهم
انا اختي عمرها ثمان سنين لكن عقلها اصغر
لكني ما تضايقت من هالشي ابدا
يمكن لان هذي اول حالة اعاقة تمر عليج
مع الوقت بتتعودين
وبتحبين بنتج مثل ما اهي
و بتعرفج وبتحبج ان شاء الله
و بتكون اصح البنات بالنسبة لج
بالنهاية هذي بنتج من لحمج و دمج
تعبتي عليها و شقيتي
وهذي هي وصلت بغض النظر عن اعاقتها او صحتها العقلية
لا تخافين ولا تحاتين ولا تعتقدين ان هذي مشكلة
البنت محتاجة لج
كوني سند لها
مع تحياتي ،،،