[الزهراء جنتي]

اليوم راح احشيلكم دجاجة ان شاء الله تعجبكم

المقادير

دجاجة بصل كشمش كوب شعرية محمريه بشوية زيت حامض رز بزاليا بطاطا مقطعة مكعبات ومقلية اذا عندج لوز اني ما جان عندي هههههههه بهارات ((حسب الرغبة))مثل الدرسين والهيل والكمون والفلفل الاسود والقرنفل واي شي تحبيه من البهارات




طريقة العمل

اول شي انكع الدجاجة المسكينة بماي وملح وحامض وتنركة 4 او 5 ساعات وكلما كانت نسبة الملح والحامض اكثر ومدة التنكيع اطول يكون افضل




نحضر الحشوة
اول شي نطبخ التمن ومن انريد نقلبة على المصفاة بقليل راح انضيف اله الشعرية المقلية ((يعني ينطبخون سويه ))


نخلط البزاليا والكشمش والرز والشعرية وكل المواد والهارات مع بعض




نسكب علية نص كوب زيت ونخلطهم زين




بواسطة السكين نفصل الجلد عن الصدر





وهسة نحشي بطن الدجاجة والفراغ اللي صار بين الجلد والصدر ونشد بالخيط اطراف الافخاذ حتى ما يطلع الحشوة للخارج




نخليه بقالب البايركس مع حلقات البطاطة ونغرس بالدجاجو كم عود من القرنفل وشويه كاري وانضيف اله نص كوب ماء وشوية حامض ونرفعة للفرن




وهذا شكله النهائي واني اسفة ما لحكت ازينه لان زوجي اجة من الشغل وجان جوعان وشن على الدجاجة غاارة بكل الاسلحة وما لحكت ازينه