10-15-2013, 10:09 PM
|
رقم المشاركة : 1
|
|
|
مسلم انا الفدائي
انّه الفدائي ** روحي فده لحسين
******
اّنّه عمي المرتضه اشرف امير
وابو اليمه اختارني اصبح سفير
يدري بيه الهسفاره اّنّه جدير
والله لجل الحسين ميهمني المصير
انه سفيره ** افديله نور العين ** روحي فده لحسين
*********
خانت الكوفه العهد ويه الكُتب
علنو اعليه بحقد هاذي الحرُب
ظنهم اترك هالعقيده وهالدرب
يرتجف ميدانهم لو بيه اطب
ظليت وحدي ** والعده ملتمين ** روحي فده لحسين
*******
الكوم خذلوني برشاوي وبحصص
والدعي واعدهم بمـــــــــال وفرص
مابكت غيره وشرف وسطط الكصص
الليله اخلي الــسيف يرويهه القصص
زودي علامه ** والغيره عناوين ** روحي فده لحسين
**********
اّنّه علمني علي فن القتــــــال
مااهاب من العده وكت النزال
الليله اسجل بالفده اروع مثـال
والجواب السيف يصبح للسؤال
حيدر شعاري ** ضحه لجل هالدين ** روحي فده لحسين
*************
روحي فدوه اتصير لابنج فاطمه
مااخاف امن الجيوش الـــــظالمه
اّنّه تلميذ الوصــــي حامي الحمه
ترتجف جدامي كلــــهه الموزمه
معروف زودي ** ضربه متصير اثنين ** روحي فده لحسين
**********
حسين ماخذله وابد ماعوفه
ادري زين بغربته وطفوفه
تشهد الليله بوفائي الكوفه
هذا ابن مرجانه اذل سيوفه
ذني الكتايب ** مطشره عالصوبين ** روحي فده لحسين
*************
للنبي واله الدمه افديهـــــــــــه
بغيرتي هاذي العقيده احميـــهه
الكوفه من دم العده ارويـــــهه
وروحي لحسين السبط اهديهه
اوهب دمائي ** لال البيت الطيبين ** روحي فده لحسين
*********
|
|
|
|