[الشاعر ابو لقاء البهادلي]

كل عام وانتم على الولايه

ــــــــــــــــــــــــــــــــــــ

نحبه حيدر نحبه ** مانتخله عن حبه

فدوه يروح اله عمري ** حبه ويه الدمه يجري

مانتخله عن حبه

***********

املاك السمه بهاليوم ** نصبت للفرح ديوان

شمسنه والكمر باعياد ** كلها عيدت الاكوان

حين اللي هبط جبريل ** طاير بالخبر فرحان

شايل اية النـــــــــعمه ** بيهه اتبلغت الامه

نزلت ايه من ربه ** مانتــــــــــخله عن حبه

***********

يم حوض الغدير بشوك ** ناده المصطفى عالناس

كال اللي جــــــنت مولاه ** حيدر بعدي النــــبراس

اّنه والوصــــــــــــي حيدر ** نفس الروح والانفاس

ربي انصر الوده ** واخـــــــــــــــذل كلمن يضده

ايطيع الباري اليحبه ** مانتـــــــــــــــــخله عن حبه

*********

مايكمل ابد هــــــــــالدين ** الا بوالد الحســــــــنين

عيد وصار اعظم عيد ** انـــــــــس وجان فرحانين

كلهه بايــــــعت هاليوم ** وبهذا الامر راضيــــــــن

عرفهه الاول وتالي ** كلــــــــــــــــهم هنو الوالي

ماتنحاز عن دربه ** مانتــــــــــــــــــخله عن حبه

**********

الحيدر يشهد القران ** تشهدله بفخر الايام

بسيفه حافظ اعله الدين ** بيده كسر الاصنام

هذا اليوم صار افراح ** عيد وعيدت الاسلام

كلهه انطت البيعه ** تمشــــي بدربه واطيعه

احنه من عداه غُربه ** مانتـــــخله عن حبه

**********

مايكمل قسم ايمان ** والله ياعــــلي لولاك

هنيــــاله الذي بايع ** هنياــــله الذي والاك

بحبك نزلت الايات ** غصبن والله عالعاداك

ناجح كلمن اختارك ** حبــــــك بيه نتشارك

عاش اويانه واتربه ** مانتــــــخله عن حبه

*************