شمعة الأحرار

هو مو أوكي أن الأم تختار لعيالها شريك الحياة لأنها أكثر خبرة من العيال

ويمكن العيال ما يختارون زين

هاذي نقطة إيجابية

لكن البنت أو الولد ما يرتاحون حق هذا الشخص ألي الأهالي أختاروه لهم

يعني نخرب حياة عيالنا بيدنا ... معليه الأم تختار الشخص المناسب لكن تخلي الطرفين يتكلمون مع بعض ويتعرفون عَ بعض علشان يمكن أحدى الطرفين ما يبي الثاني ما أرتاح ليه ..

أما أختلاط الأهالي آنه ما أجوف أنه غلط هاذي من صلة الأرحام لكن يكون فيه حدود المعقول

يعني مو يزودونها بأن يصيير الحياة فريي وكل شي عادي ولا جنه فيه حدود بينهم ..

أقول أن لازم ما يأثر العادات والتقاليد بشكل سلبي في حياتنا

لازم يكون هناك في حدود بشكل معقول لهاذي العادات والتقاليد

الزمن تغير عن قبل ... الزمن الماضي مو مثل الزمن الحاضر

يعني أحين أعرف وحدة هي وياي في الصف ما عندها تلفون أقول ليها ليش ما عندج ؟
تسوي لي أبوي ما يرضى لي أحين ... وهي أحين عمرها 18 سنة

وأخوها ألي عمره 12 أو 13 سنة عنده تلفون

وأحنا نضطر نتصل ع رقم أخوها أو أمها أو أبوها علشان نكلم هالبنت

أنزين هاذي الشي غلط البنت تحتاج لهاذي الشي بحيث تتصل بربعها أو أن ربعها بغوها في شي يقدرون يتصلون ع تلفونها

يعني أقول أن العادات والتقاليد واجد تأثر على حياة الفرد بشكل سلبي وأحنا ما نبي هالشي نبي العادات والتقاليد تصير بشكل إيجابي

وشكراً لكم ..

أعتقد طولت واجد في الكلام