[batool22]

اغلب الالعاب كانت مقفله : اللي صيانه واللي انتهى وقتها واللي معطله
بس لعبنا لعبه يالله جلست اتكلم فيها اسبوع للكل هذي هي اللعبه : لحد يفوتهاا اذا راح




طلعنا من الاستديو واحنا منتهين
تعب اليوم الاول للحين ملاحقناا وعضلات رجولنا منصدمه وتصايح للحين رغم النوادي الرياضيه بس ماش ما اثمرت بشيء
رحنا لمطاعهم ورحنا لماك وانا عيني على البطاطس وبس





تغدينا وحمدنا الله ورجعنا للرير عشان نرجع للفندق
طلعنا من دزني يمكن ٤ ما طولنا ولا انتظرنا شيء
* طبعنا واحد ؛ نمل بسرعه ونطفش ونرجع ندور على الراحه *
رجعنا للفندق ريحنا شوي لبعد المغرب
وطلعنا للمترو لسان جيرمان اخذنا من هناك كريب نحلي فيه تمشينا نص ساعه وكذا وورجعنا على الشانزليه نودعهاا على أمل اللقاء فيها قريبا
بس ما طولنا : كان الاغلب خليجين وبصراحه ما احب الزحمه ف طلعنا لبرج ايفل
اخذنا عشاء من مطعم وقعدنا بحديقه البرج حتى ١٠ كذا واخذناها تمشيه للفندق .
صحينا اليوم الخامس الساعه ٦ ونص وكنا قد رتبنا الشنط والهدايا وكل شيء
اتصلنا ع الرسبشن وطلبنا تاكسي * كانت غلطه *
ع بال ما طلعنا من الغرفه ونزلنا الاغراض ونزلنا ندفع لان كان الدفع عند المغادره وقام يسولف حق الفندق ووين رايحين بعد باريس ومن وين ومدري ايش
طلعنا لقينا التاكسي واقف والعداد مشى وواصل ل ١٠ يورو واحنا مو دارين عنه واخذ ع كل شنطه كبيره يورو يعني ٣ يورو .. وصلنا للمحطة القطار ع ٢٥ يورو تقريبا
المهم نزلنا واخذنا الشنط نسحب فيها والمحطه كانت واضحه ورحنا لكوفي فيها بس كانت اكوابهم صغيره ما تجيب الراس ههههه
طلع زوجي يدور ع الحبيب ستار بوكس حولنا ولا لقى غير الكوفي ب ماك
اخذنا كوبين مع التوست والنوتيلاا رفيقةة الصباح في باريس وافطرنا وروقنا بالكوفي * ادماان الكوفي انا بشكل عنيف *
كانت رحلتنا ٨ ونص وتأخرت ساعه وجت على ٩ ونص تقريبا
القطار كان مريح جميل بشكل عام
تذاكرنا كانت فيرست كلاس بس كان تعاملهم يفتح النفس
واي فاي مجاني بس كان يقطع وماش مو مره
اشتغلت بالنت ع شبكة جوالي
كان نظامه اول ما تدخل كرسين مقابل كرسين وبينهم طاوله وبعدين كرسين كرسين وراء بعض اللي على اليمين
واللي على اليسار كرسي كرسي وراء بعض






الرحله كانت هاديه وسريعه ما يمدي نقول بسم الله الا وصلنا لبروكسيل * صور عامه *
معرض مرسيدس بالشانزليه :


الشانزليه :












جزء من رسمة الرسام بهضبة المونمارت :

برج آيفيل :









ملاحظات عامه :
- ب المطار كان التعامل كويس ما كان فيه تعقيد
صفينا مع العالم ويوم جاء دورنا بصمنا شافت الجوازات وادخلوا * عكس خروجنا من المانيا تفتيش شنط وقلق *
- الفرنسيين عكس كليا اللي سمعت وقريت عنهم شعب متعاون لابعد حد ويتكلم انجليزي ويساعدك بكل اللي يقدر عليه ويتبسمون بوجهك ونظاميين بالشوارع والمشي وبكل شيء ، وزياده ع كذا كنت اطقطق شوي انا بالفرنسي ف ما وجهنا صعوبه من هالناحيه
زوجي انجليزي وانا فرنسي ع خفيف ههههه .
-الصرفيه ككل لشخصين في باريس كانت توصل باليوم ٢٠٠ يورو
تقريبا من ١٥٠ - ٢٠٠ يورو باليوم
بدون هدايا بدون تسوق
- المترو خفت كثير منه بس كلمه للي خايفين منه ولا عندهم زياره لباريس ومتخوفين من المترو : لا تخافون !
الشغله مره مو مستاهله وجدا سهله وان ضيعت خذ القطار اللي جنبه وكمل
- السرقات والنشل ما شفته ابدا والحمدلله ، الشحاذه موجوده بجميع اشكالها وللاسف اكثر اللي شفتهم يشحذون ب اوروبا عرب .
- النقاب ويا كثر الاسئله عليه : فيه منقبات شفتهم ولا احد حولهم شفت محجبات شفت حتى خليجين كاشفين حتى الشعر وببناطيل ضيقه * هدانا الله وواياهم *
- باريس جميله تستحق فعلا الزياره حدها ٤ ولا ٥ ايام بنظري ، متعتها ب اطفالك .. ما تدرون قد تحسفت اني ما اخذت بنتي ، بس كنت اقول عمرها ٢ ونص ما بتفهم اللي بتشوفه ، واخذت ع نفسي وعد من تكبر ل ٤ ولا ٥ سنوات اخذها لجوله احسن من هذي هههههههه .
- باريس غاليه مقارنه بالدول اللي جنبها الاوربيه
الاكل غالي السكن غالي : ما عرفت الفرق صح الا يوم رحت لبلجيكا والمانيا .
- نصيحه لا احد يتحمس من اول يوم ويمشي مشي يتعبه ويتعب عضلاته .. ماراح يحس فيه الا بعد يوم
هذا اللي صار معنا ما نمشي خطوتين الا رجولنا تألمنا .. قعدت يمكن الالام ٤ ايام .
لا تنسون مرهم العضلات اهم شيء .
- الجو * مارس * كان في باريس جميل يميل للبروده
ثاني يوم لنا كان الصباح للعصر هواء باررد جدا وهو اليوم اللي ركبنا فيه الباص السياحي
واول يوم واخر يومين كانت حلوه .
- الانترنت والجوال ؛ فعلت بشريحتي مسبقة الدفع موبايلي * كنكت تجوال * لشهر ب ٢٥٠
مع ان سفرتي كامله كانت ١٢ يوم:
----------------------