[(ندى)]

واعيش بهالزمن واتنعم بقهري
واكابر علجرح وامسح دموع العين
وجوي النار بيدي وانجوي بجمري
مشيت وياالحزن من الزغر لليوم
وتحملته برغم طعناته لبظهري
وتكول الناس يضحك ابد مامهموم
مايدرون همي امخزن بصدري
الدنيا وياي كامت تمشي بلمكلوب
تسرك ضحكتي وتتحكم بعمري
خذت مني العزيز وباكت الخلان
وخلتني بهضيمة وحاير بأمري
شلت ضيم الليالي وماحنيت الراس
وبعد بية الشباب وماخلص صبري