07-09-2009, 02:26 PM
|
رقم المشاركة : 1
|
|
|
وحشـــــــة زينــــــب ـــ قصيدة دارمي
بسم الله الرحمن الرحيم
اللهم صل على محمد وآل محمد وعجل فرجهم
وحشـــــــــــــة زينــــــــــــب
ــــــــــــــــــــــــــــــــــــــــــــــــــ ـــــــــــــــــــــــــــــــ
زينب لفاها الموت وبديرة أغراب == تتمنه يمها أحسين ويهيل التراب
ــــــــــــــــــــــــــــــــــــــــــــــــــ ـــــ
هاي العقيله الضاع منها عمرها == بالهم كضه أو آلام يصعب ذكرها
معروفه زينب زين عالي صبرها == واليكصد ألها أينال أجره ولحساب
ـــــــــــــــــــــ
رادت أخوها أحسين يحضر دفنها == وياه يجي العباس يغمض جفنها
وبشوفة الاحباب ميظل حزنها == تحله المنيه اليوم بوجود الاحباب
ــــــــــــــــــــــ
ياشيعه أبجوا اليوم زينب غريبه == يبجي أجاها الموت لجل المصيبه
بديار أميه اليوم هاي الحبيبه == وافاها ملك الموت منها الكلب ذاب
ـــــــــــــــــــــ
أكصد الأرض الشام زور العقيله == منها تشوف الجود ماكو مثيله
يتلكه وجهك نور هاي الاصيله == وتشم عطر فواح وبكل كتر هاب
ــــــــــــــــــــــ
يم زينب الحوراء صلي يزاير == وأدعي اله الكون ربي يقادر
أكشف همومي أو زيل عني المخاطر == ترجع قرير العين مو زينب الباب
ـــــــــــــــــــــ
لجل العقيله اليوم ننصب مآتم == هنياله كل من صار للعتره خادم
منها ينال الخير للجنه غانم == ياخذ هديته الفوز من داحي الباب
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر أهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.jannatalhusain.info/2009/...ile=b105af509e
|
|
|
|