ﮔال الموت شنهو ما أهاب الـــــــــــــــموت
وﮔــــف والسيف بيده إعله المسنايه
ياﭽـف باسته أربعة معصـــــومين
ويا ﭽـف من يؤمي إيصـــير سلايه
أمير المؤمنين أو ذاخرك للــــيوم
إبحضور أم البنين انـــطاك هالرايه
ياعـــــباس وانت بالوفه جزيت
اشتريت انت الأخوه ورحت عــنايه
يـﮔضاي الكلافه الخــجل ياكل بيك
لأن الـﮔاصدك تـﮓضيله الحـﭽايه
يا آية خلـــــــــــود اشلون نتـــــهجاك
قريـــــــــناها ابوفاءك ســــيدي الآيه
اولأن الكَـمر ماخذ ضوه امن العباس
او لأن احـنه نشوفه ابوجهك امرايه
او مايحتاج نـقره سيرة العــباس
لأن عـيونه تغـــني عن القرايه
ملايينك اجت بالأربـــعين اتزور
وتستاهل تـــجيك الشيعه مشايه
**************
ظافر الشمري