أبكي على الأطلال
قلبي من الآهات زاد التهابه
والعين جافاها الكرى وانحرمت النوم
يا ناس أنا احبه ومغرم صبابه
وأصبحت أنا من شوفته يا ناس محروم
من بعد ما كنا نعيش ابرحابه
أصبح كما الأطلال خاوي ومهدوم
جيت أسأل الأصحاب عما جرى به
قالوا لي يا جمري ترى العز ما يدوم
يا خوي لا تسأل على ما أصابه
صابه الدهر ياخوي ابسهم محتوم
في يوم من قبل الفجر جتنا عصابة
ومن الفزع ياخوي قمنا من النوم
واللي قعد من نومته فاز بشبابه
واللي تأخر بالرصاصة صار معدوم
وصارت علينا من طلقهم سحابة
وتراكمت من حرقهم لخيام لغيوم
وتقول ما تدري وكل ٍ درى به
هاليوم في التاريخ نحس ٍ وميشوم
عسى اللي جانا يبتلي بالقرابة
واللي هدم دوارنا ما يهتني دوم
بحق طه وعترته هالنجابة
وبفاطمة زوجة علي واثنعش معصوم