[اريج الورد]

أوجه لك شكري على هذه الإستضافة الرائعه
مع تمنياتي لك بالصحة والعافية الدائمة بإذنه تعالى ..

س1/ هل سبق وعملت عمليه ؟ اذكرها ؟

8 مرات وعمليتين بالطريق

س2/ موقف محرج او مضحك او محزن حصل لك داخل المستشفى أذكرهـ لنا .؟!

أذكر أني مرة كنت مع خالتى نايمه بالمستشفى ومسويه عمليه فانا وخالتى كنت نايمين على بطوننا ونحل كلمات المتقاطعه وكانت ساعه تقريبا 11 بالليل وفجأة اجوا الدكاتره + خالى اللى كان دكتور بنفس المستشفى فانحرجنا وايد وضحكنا على هالموقف اللى عمرى ماراح انساهاا

اما المحزن بانى نومونى بالمستشفى على اساس اسوى عمليه لمفصل الكتف بعد 4 ايام بالمستشفى اخر شئ دكتور اجى وقال لى لا تسوين عمليه ترى مخاطرها اكثر وانا ساعتها كنت معصبه وما قلت شئ ولما بغى يطلع من الغرفه دكتور قال لى تبين شئ قبل مااروح واكتب لج اذن خروج قلت اى ابى تسكر الباب وراك ومااشوف وجهك مع انى ندمت بعدها على هالكلام بس شسوى كان غصبا عنى

س3/ تحب تروح للمستشفى أول ماتتعب أو تجلس تتحمل .؟

انا متعوده من الصغر وعغادى اتحمل الجلوس ليما يجى دورى

س4/ متى آخر مره مرضت ؟ وشنو نوع المرض.؟؟!!

انا للحين قاعده اتعالج وباقى عمليتين بالورك والظهر

س5 / متى آخر مره رحت للمستشفى ؟!

قبل اسبوع رحت علشان اخذ موعد للرنين المغناطيسى

س6/ ماهي فصيلة دمك؟ وهل سبق وان تبرعت بدمك ؟ ولماذا ؟

+a وتبرعت 3 مرات قبل 30 سنة تقريبا واجب انسانى

س7/ تتمنى تسوي عملية تجميل .؟! ولأي عضو من جسمك .؟!

احيانا افكر بخشمى بس حاليا عندى عمليات اهم منها

س8/ علاقتك مع دكتور الاسنان ..؟؟

زينه و من زمااان مارحت له

س9/ هل تمنيت يوم أن تصبح دكتور/هـ؟ اي تخصص ؟!

انا كان ودى اصير دكتور للتشريح او للقلب بس حسافه ماقدرت
س10/ كلمه لكل مريض .!
اللهم اشف وعافي كل مريض بحق مريض كربلاء الإمام زين العابدين عليه السلام
ومن بالصحة والعافية لجميع المسلمين والمسلمات ..

وصلى الله على خير خلقه محمد وآله الأطهار