[z زهـٌِـرّةِ آلــيــآسٍــٌمِـيـ،ـنـِْﮯ]

السلام عليك ياابا الفضل
السلام عليكم يا من صنت الامانة
عفت الخيم يسعر جمرها وجيت انشدة
مايدري رضعان وحرم وايتام عنده
شان الاخو بيوم الضنك ما ينسى وعده
يرجع بجودة للخيم هذا الوعد جان
اطفالة من حر العطش تنشدنى عنه
تتخايل لجودة وتجر ونة علة ونة
ما يلفي لينه والعذب ايسنه منه
بس هو يدري بالخيم ياهو الي عطشان
ظلينه من بعد التكفلنه وحدنه
لاظلت علينه خيم لاوالي عدنه
عباس سبع الكنطرة هو الفقدنة
بالغربة صرنة من بعد غيب الوليان
ابنار الغدر حرقوا خيمنة ونصرخ الويل
واطفال ياخذها الفزع من تصهل الخيل
سكنة يعمها تنشدك يالترعب الليل
لاظل كفيل ولا حمة ولا عدنة صيوان
وينك يمن جيت ونصبت الخيم بيدك
ما ردت اهيج ساكنك وهموم ازيدك
لاجن لهاى الموزمة جنت انة اريدك
نار العطش يا ابا الفضل تبعتها نيران
عينى على درب المشرعة مشبوحة عينى
واطفالى تنحب عن يساري ويمينى
حوط الهدب علة البصيرة محاوطينى
ومن جوة نار مخيمى تصرخ الرضعان
عقب الخدر والعزة والحشمة ودلالى
لنى وحيدة بغربتى وما عندى والى
بس انت يا شبل على خوية تبرالى
عقب الولى تالى صرت اتنخى عدوان

z زهـٌِـرّةِ آلــيــآسٍــٌمِـيـ،ـن