البارحة ربي كتب لي ومريت ..
..دربٍ عليه بروق الأحباب لاحت
ஜஜஜஜ
جيت المكان اللي جمعنا وخفيت ..
.. وقامت جروحي للجوارح وصاحت
ஜஜஜஜ
ياليتني في لفة الدرب زليت ..
.. كان العيون من الدموع استباحت
ஜஜஜஜ
التم غيم الدمع من يوم لفيت ..
.. وورقا القصيد لشوفة الغيم ناحت
ஜஜஜஜ
وضحكت ماأبغي الناس تدري يبالفيت ..
.. لكنها غصبٍ على العين ساحت
ஜஜஜஜ
حارت دموعي في عيوني وصديت ..
.. وأرمشت مابيها تبين .. وطاحت
ஜஜஜஜ
وعقبه برق في العين براق .. واسقيت ..
.. خدي ووناتي بصدري تلاحت
ஜஜஜஜ
وأنا أحسب إني في فراقه تشافيت ..
.. وان عبرتي من مدخل الزاد زاحت
ஜஜஜஜ
اللي يحسب إني على البعد سجيت ..
.. والا ان عيوني للرقاد استباحت
ஜஜஜஜ
ياليتني منقبل لا أحبه اقفيت ..
.. والا ان دروبي عن دروبه تناحت
ஜஜஜஜ
أهون علي من البكا والتناهيت ..
.. وأشلا من سدودٍ على الناس باحت
ஜஜஜஜ
عرفت كيف الحي يفرق عن الميت ..
.. وعرفت قيمة نعمتي يوم راحت
ஜஜஜஜ
قولوله اني عقب بعده تدانيت ..
.. ورجلي عن دروب المعافين شاحت
ஜஜஜஜ
البعد ناروطاعة العذل كبريت ..
.. يقصر على بعده .. ترى الكبد فاحت
ஜஜஜஜ
م/ن