[مكفولة العباس]

عن اخر جرح من شفته ماهتميت
لان يشبه اخوته بالشكل نصاً

نزف منه شعر كاتبلي عن الشوك
استفزني بكل برود وجاوبت شكراً
...
ولان هو جرح ماشفته حته شبيه
من كد الجروح بجسمي منتشره

جرح من الربع ذبوله كومه جروح
حته القله بيه تناصر الكثره

وجرح حظي الذي مارهم بيه خياط
اجه خياط حزني وخيطه بشفره

وجرح من الوكت بس هنه جرحين
ماطابن جذب واللغز بالعبره

من يلتأم الاول.الثاني وحده يصيح
وعله صيحه اخوه شك زيجه عالفطره

وحيرني جرح بس الاثر ظل بيه
هاجر مني سكته وماطلع سره

اجت بالبال فكره سببتلي جروح
طلع ناصب كمين ووكع الفكره