[مكفولة العباس]

مــــاظــــــل صبـــــــــر



ماضل بالصدر شباچ مفتوح
ونزل ويه الدمع دخان الجروح

كل ونه اتحزم من يجي الليل
وخلصها مسية والده اتنوح

تدگ فوگـچ الغربه وما تموتين
الله شـگواتـچ صرتي ياروح

مستوره اشوف اجروحها الناس
تسد بيبانها وبس جرحي مفضوح

علي چف الزمن مثل الجبل صار
لا ضل حيل الي ولاچف التلوح

يافجران دم انذر اذا جيت
وانه بمنجل اعمه اعليك مذبوح

وسط الناس اشب من يمر طرواك
ومدري بيا زويه المستحه ايروح

عشت وياك ريل يمرجح الدمعه
وودعتك وداع آخر ضوه بشمعه

گلبتك شفت عمري يتوسل بيك
ونته ولاتنيت ولاألك رجعه

الهجر داس اعله روحي .. ووين أودي الروح
أنه اگبال المنيه وضاگت الوسعه