قصه كتبها لي احد الاخوه على موقعي بالفيس بوك يوم امس بعد ان وافقت على صداقته وطلب مني كتابة قصيده على قصته -كان له اخ اسمه محمد واستشهد رحمه الله باحدى الانفجارات بالعراق وكان المرحوم بطل بمعنى الكلمه وكان المتحدث يهابه الجميع لانه اخو محمد! وبعد فقد اخيه اصبح كل يوم يتعرض للأذى من الذين كانوا يتوددون لهُ عندما كان اخيه حيا!!!
[color=****0000]و بصطراتهم متورم الخد[/color]!!
كالوا ها دفنته وبعد ميعود!
[color=****0000]من شافوني لابس هِدمي الاَسود[/color]
ضحكوا حيل خلوا كلبي مَمرود
[color=****0000]يخويه وما بقالي غيرك أحد![/color]
تمنيتك اليوم اوياي مَوجود
[color=****0000]قبل لا اطيح والزود ايتفرهد![/color]
ترى وليه انوليت وانته مفقود
[color=****0000]وبصَطراتهم متورم الخد!![/color]
شَسوالفلك يخويه وريتك اتعود
[color=****0000]عَلي حتى الأغم كام ايتهدد![/color]
وأبشرك صار حتى اليخطي صايود
[color=****0000]خلاني هَدف بيه ايتصيد!![/color]
وين احزام ضهري وذيج الزنود!
[color=****0000]الما واحد علي جان ايتزود![/color]
جنت بمحمد الوفاي مَسنود
[color=****0000]وبعد راح السند والزود ما رد!![/color]
جنت ابزودك أمشي وانته موجود
[color=****0000]اخو محمد ألي إوكلها اِتودد[/color]!!
الأسود الهسه صاروا جانوا اقرود
[color=****0000]والينفذون شأاطلب ما أردد![/color]
صفوا هسه زلم والعالم اشهود
[color=****0000]إولبسلي اعكال الملبسينه جَرغَد!![/color]
وأخيرَك بالأهم يا نبعة الجود
[color=****0000]وأنته اختار منهن يا محمد!![/color]
إذاَ ما تطر كَبرك ترجع اردود
[color=****0000]أطر كَبرك أنه اوياك أتوَسد!![/color]
حسين الساعدي
راق لي