السلام عليكم و رحمة الله
شوفي خيتي ابتسامة
هالسالفة تصير للكل شي طبيعي يعني
وانا عن نفسي دايما هذا حالي
وهالمثل اللي ضربتيه صار لي امس
رحت الشعب و كان المفروض اني ارجع البيت الساعة 11
بس و احنا بالدرب خالتي عزمتننا على مطعم بالردة
وانا استحيت اردها
فوافقنا و رحنا
وما رجعت البيت الا الساعة 1
و امي عصبت علي و نفس الشي ابوي
لكن بالنهاية انا ظليت ساكتى لاني عارفة اني غلطانة
ما حاولت ابرر حق نفسي غير اني قلت اللي صار
............................
و هذي ما تنعد مشكلة عشان تدورين ها حل
الامهات اذا رفضوا لنا طلب معناها بننضر من الشي اللي نطلبه صح ولا لأ ؟؟
زين احنا نشوف ان ما فيها اي ضرر
يعني اللي علينا ان نعرف الطريقة اللي نقنع امهاتنا فيها اني بروح و برجع سالمة غانمة ان شاء الله
يعني مثلا
امس لما رحت حديقة الشعب مع البنات
رحنا بنات بروحنا بدون احد كبير حتى
اول ما قلت لامي ما رضت
لكن لما قتلها يما يوم الاحد يوم نسائي ممنوع دخول الرجال ... و يوم الاحد تكون الحديقة فاضية
واحنا وايد بنات ماحد بيقدر يسوي لنا شي
و بنطلع منها مبجر ما بنطول
تكفين يما مليت من قعدة البيت ... ووووو بالنهاية رضت
لما اقنعتها ان السالفة هينة واني ما بنضر
-----------------
اظن بعد كل هالقرقة وصلت فكرتي ...
ان حالوا تقنعونهم انكم ما بتنضرون ان شاء الله
ونصيحة مني : اذا رحتوا سوق او مجممع ... ييبيلوها هدية معاكم
اي شي حتى لو شي رخيص
ترى يستانسون الامهات من هالاشياء
و هالنصيحة للجنسين شباب و بنات
------------------
و كالعادة ابتسامة روح
طرح قيم وانتي ذهب
تسلميين
مع تحياتي ،،،