السلام عليكم ورحمة الله وبركاتة
اخواني واخواتي
اعضاء هذا الصرح الشامخ
بهذه المصافحة الجديدة
قصيدة لأمي الغالية
وحصريا في هذا الصرح
إليكم
يـــمـــه
يمه ولو تدرين وش كثر محتاج ..//.. لصادق الدعوه ولك دايم آحوج
في ليلة ن دجداجها فالدجى داج ../.. لاقمرتن فيها ولا بارق يبوج
والجو هادي وأقرب الوصف سجساج ..//.. والفكر بالافكار محتار ويسوج
تزعجني الخطّار وتعـقد حجــاج ../.. بيني وبين النفس احاديث وهروج
هرج ن يعده خاطري كل ماهاج ..//.. ساعة يهم الهم واحيان مفروج
اسف لأني كنت طايش وهواج ..//.. واسف على فعل الرديات والهوج
احسني لك مصدر الخوف وإزعاج ..//.. زعلانة ن مني وخاطرك مزعوج
مـن فعلـتي كنـي مكبـل بالإحراج ..//.. وقلبي سبايب زعلتك صار مفلوج
ياواقفة دايم على خـط الإنـتاج ..//.. عقب التعب تلقينـني خيـر منتـوج
انتي فطريقي شمعة الفال وسراج ..//.. فدوتك روحي ومضغة ن داخل العوج
قدرك فعيني صرح ويضاهي أبراج ..//.. وفضلك كما شلال يحيي له مروج
ضحكتك بهجة خاطر لجرحي علاج ..//..ورضاك برد بداخل الجوف وثلوج
لرضاك اخوض الليل مسرى ومعراج ..//.. واسوق رجلي لجل بسمتك وآدوج
وابحث عن الي فاقده فيني خداج ..//.. وإلقاه دام مناك لي درب مفجوج
واجلسك عرش ن مفارشه ديـباج ..//.. عليـه مـن كـل المـرامـات منسـوج
واوفيك من فضلك واتوجك بالـتاج ..//.. ويصير قلبك داخل إحشـاي ممزوج
الأم قـالـوا مدرسـة دون مـنـهـاج ..//.. وانــا اقـول امي ضيا كـل منهـوج
يمه ترى مانيب جاهل وهجّاج ..//.. مامشي على المايل ولا اقدر العوج
بأصدقك بإحساسي ولاني بلجـاج ..//.. وبلغي مابيني وبينك ابعاد وافروج
لو ينطفي نوري وتتسكر فجـاج ..//.. ويعجز سمو الذات عن كل معروج
والله ماجحد فضل هامر وهداج ..//..من قلبك الي صرت برشاه محجوج
رويتي الي يمشي الليل مدلاج ..//.. وكان يتمنى من الرتوقات مدلوج
ياليتني صايم وانا محرم وحاج ..//.. وادعي عسى تبقين للي لك يحوج
طالب رضاك لدعوتك حيل محتاج ..//..ودي يزاح الهم ويصير مفروج
وآخر كلامي يالفخر انتي إفراج ..//.. لضيقة ن فالصدر وتكسـّر العوج