[şάĐ]

الطفوله يامراجيح العمر وأحلى زهوره

والبراءه في عيون كلها صدق وطهاره

يوم كان القلب صافي والمطر رقة شعوره

ماتكدر بالحياه ولاعرف معنى الحضاره

خاطره سالي ووجه للأمل يعطيك صوره

في كلامه لو تلعثم ينسحب لأجله شطاره

لعبته كل ماتمنى وضحكته آخر غروره

وإن مسك الألوان يرسم لوحته صارت جداره

غرد العصفور لعيونه ورفرف مع حضوره

والسعاده تتبعه والحب يلهو في مداره

الحزن يجهل طريقه والفرح عنده ضروره

خطوته تكسر سكون الليل وتصحي نهاره

هكذا عهد الصبا نكبر ولاننسى سروره

ذكرياته كلما مرة بنا تحمل بشاره

ليت ذاك الوقت لو يرجع وتتكرر عصوره

بس كلمة ليت ماتنفع بعد وقت الخساره