[الشاعر ابو لقاء البهادلي]

بهمه وبشوگ اعتنينه **للشهاده احنه نوينه

بالدماء موقعين **مانهاب الناصبين

******

جينه لأرض الكاظميه ** نزحف بدمعه وشجون

جينه يالكاظم نزورك ** بهمه نتــــحده المنون

ياأسد بغداد تدري ** احنه من نهــــوه بجنون

هذا طبع الرافضيه ** والعــــزم اصبــح فنون

لا منهاب ** كل ارهاب

جينه كلنه محزمين ** مانهاب الناصبين

********

منهج العتره الشريفه ** للموالي اصبح منار

منّا هيـــــهات المذله ** يبقه خالد هالــــشعار

من اجل عزه وعقيده ** نآخذ بغــــيره القرار

للزياره احنه نوينه ** مايخــــــــــــوفنه انفجار

ضد الموت ** انصيح بصوت



يالثارات السجين ** مانهاب الناصبين

**********

مدرسة عِبره وتفاني ** عدنه من يوم الطفوف

جينه مثل الروج يدوي ** مو ألف واحد ألوف

هالملايين الأبيــــــه ** ماتـــــفكر بالحــــــتوف

ترفع الرايه بــشهامه ** تزحف بزود الصفوف

احنه ارجال ** صرنه اجبال

نقسم بنحر الحُسين ** مانهاب الناصبين

***********

بهمه نتحده النواصب ** شيب متحزمه وشباب

ماتخوفنه الدواعش ** جينه نحـــــــييه المصاب

تدري لا عبوه ولا كاتم ** ماتخــــــوفنه الصعاب

من نطب احنه بحضرتك ** نخضع انشم التراب

فدوه تروح ** هاي الروح

في طريق الطاهرين ** مانهاب الناصبين

********

من يذبحون الموالي ** بالوطــــن عدهم حلال

ظنهم نعوف العقيده ** هذا ميصير ومُحــــــال

بالصبر آيه الروافـــــض ** صرنه للعالم مثال

غيرة العباس عدنه ** نفتــــخر لو دمنه سال

للمسموم ** جينه اليوم

بزود وبحب زاحفين ** مانهاب الناصبين

***********

چم سنه مرت علينه ** والوطن باقي جريح

هذا ارهاب الدواعش ** نيته هالمذهب يطيح

عالي صوت الرافضيه ** بغيره والهمه تصيح

فدوه للمنهج دمانه ** ومايصح غير الصحيح

للموعود ** كلنه اجنود

بالدماء موقعين ** مانهاب الناصبين